web counter
LEXO PA REKLAMA!

SHKARKO APP

App Store
Google Play

Gjykata rrëzon Rakipin/ Zbardhet vendimi

2 Shkurt 2019, 10:12, Aktualitet CNA

Gjykata Administrative ka rrëzuar padinë e ish-deputetit të PDIU-së, Aqif Rakipi, i cili kërkonte rikthimin në parlament.

Mësohet se gjyqtari Gentian Hamiti ka vendosur lënien në fuqi të vendimit nr.4 të KQZ-s së datës 5 janar 2018, i cili i hoqi mandatin e deputetit Aqif Rakipit.

Gjyqtari Hamiti argumenton se KQZ ka respektuar procedurën në rastin e ish deputetit Rakupi pasi i ka dhënë atij mundësinë e dëgjimit në një proces.

Gjykata Administrative ?Po kështu lidhur me procedurën administrative që ka lidhje me nxjerrjen e këtij vendimi, gjykata vlerëson se pala e paditur ka respektuar standardet e procesit të rregullt ligjor, të cilat nuk janë të kufizuara vetëm në procesin gjyqësor, por edhe në atë me karakter administrativ (vendimi nr.7 dt,27.02.2012 i Gjykatës Kushtetuese). Konkretisht Komisioni Qëndror I Zgjedhjeve ka zhvilluar seancën dëgjimore ku z.Aqif Rakipi është përfaqësuar në këtë seancë, nëpërmjet avokatit të tij. Për këtë është mbajtur dhe procesverbali i datës 03.01.2018. Pra paditësit i është dhënë mundësia për tu dëgjuar dhe mbrojtur në këtë procedurë administrative?, argumenton gjykata Administrative.

Kujtojmë këtu se me 5 dhjetor 2018, Komisioni Qendror i Zgjedhjeve ka vendosur ndërprerjen e mandatit për dy deputetët, Gledion Rehovica i LSI dhe Aqif Rakipi, i PDIU.

Vendimi për ndërprerjen e mandatit u mor nga KQZ me 5 vota pro, ndërsa i vetmi që nuk mori pjesë në votim ishte anëtari i LSI, Gëzim Veleshnja.

KQZ miratoi kërkesën e prokurorisë, e cila akuzon dy deputetët se janë raportuar për vjedhje në Itali dhe me identitete të rreme.

Ndërkohë, vetëm pak ditë më parë Prokuroria e Tiranës ka pushuar hetimet ndaj ish-deputetit të Lëvizjes Socialiste për Integrim, Gledion Rahovica,pasi sipas organit të akuzës nuk rezulton që ai të ketë falsifikuar formularin e dekriminalizimit.

Dekriminalizimi/ KQZ u heq mandatin dy deputetëve

Prokuroria pushon hetimet/ Gledion Rahovica kërkon rikthimin e mandatit





Lajmet e fundit nga