web counter
LEXO PA REKLAMA!

SHKARKO APP

App Store
Google Play

E fundit!

x

Ngritja e SPAK/ Soreca thirrje prokurorëve

1 Shkurt 2019, 10:00, Aktualitet CNA

Gjatë mbledhjes së sotme ku është bërë prezantimi i Shkollës së Magjistraturës, përveç figurave të drejtësisë në vendin tonë, kanë marrë pjesë edhe ambasadorët që ndodhen në Tiranë.

Ambasadori i Bashkimit Europian, Luigi Soreca tha sot se për këtë shkollë Shqipërisë do t?i jepen plot 34 milionë euro.

?34 milionë euro do jepen për Shqipërinë në tre vitet e ardhshme. Kemi parashikuar investime në Shkollën e Magjistraturës në ambiente dhe bashkëpunim të ngushtë. Ndërkombëtarët janë gati për të ndihmuar, por edhe magjistratura duhet të bëjë punën e saj. Reforma në Drejtësi dhe Vettingu po përparon.?-u shpreh ai.

Luigi Soreca u bëri thirrje prokurorëve që të aplikojnë për tu bërë pjesë e Strukturës së Posaçme të Antikorrupsionit(SPAK).

?Bëjmë thirrje për prokurorët të aplikojnë për SPAK. Nuk duhet humbur kjo mundësi historike. Ndërkohë Shkolla e Magjistraturës do të jetë në bazë të Reformës në Drejtësi.?-deklaroi Soreca.

Ndërsa, ministrja e Drejtësisë, Etilda Gjonaj theksoi se strategjia e kësaj shkolle do të hartohet nga dy këshilla në bashkëpunim  me faktorët ndërkombëtar në vendin tonë.

?Strategjia e shkollës që do hartojnë të dy këshillat në bashkëpunim me faktorët ndërkombëtar, janë instrumentat për të dhe për të gjithë sistemin e drejtësisë në Shqipërisë për t?i dhënë shqiptarëve një sistem drejtësie që ata meritojnë.?-u shpreh Gjonaj.

Më tej, kreu i Këshillit të Lartë të Prokurorëve, Gent Ibrahimi deklaroi se për këtë shkollë kanë aplikuar 25 kandidatë, të cilët do të përzgjidhen.

?Ky është një hap shumë i rëndësishëm në rrugën e  drejtësisë në vendin tonë. Në 25 vite jetë Shkolla e Magjistraturës ka treguar se drejtësia mund të vendoset, normalisht nuk kanë munguar skeptikët dhe do vazhdojnë të jenë, sepse jemi në kushte të jashtëzakonshme nga vettingu. Por shifra e 25 kandidatëve për këtë shkollë është një hap i rëndësishëm. Ne jemi sot në një hap të rëndësishëm që është pranimi i kandidaturave për këtë shkollë të rëndësishëm. Normalisht që kjo përpjekje e jonë nuk do të kishte sukses, nëse nuk do të kishte prokurorë të mirëinformuar.?-tha Ibrahimi./CNA.al

 





Lajmet e fundit nga