web counter
LEXO PA REKLAMA!

SHKARKO APP

App Store
Google Play

E fundit!

x

Luli dhe Ymer Lala

31 Janar 2019, 14:39, Aktualitet CNA

Sot në seancën parlamentare ndodhi një përplasje e lehtë, por jo e pabesueshme, që gjithnjë e më shumë nxjerr në pah fytyrën e vërtetë të Lulzim Bashës. Njeriu i cili flet për antikorrupsionin, kur është vetë korrupsioni, me bëmat dhe gjëmat e tij për gjashtë vite ministër dhe katër vite kryetar bashkie, por edhe me maskën që Luli nuk e heq kurrë dhe dyfytyrësinë e tij, e cila nuk ka të krahasuar.

Këtë që po analizojmë më poshtë nuk e kemi as në mbrojtje të Edi Ramës, as të Ilir Metës dhe as për t’u dukur si kundërshtarë të Lulzim Bashës. Për ne të CNA.al, të tre ata janë njësoj. Ashtu siç kanë ata të tjerët maskë, edhe Luli ka maskën e tij. Por, është edhe më i pafytyri dhe më i pavleri ndoshta, për një mijë e një arsye.

Sot në parlament dëgjuam live, një deputete e cila dukej se ishte e zhdërvjellët. Ajo është vajza e Ymer Lalës, një personazh i njohur, shpesh herë i akuzuar nga PD, Basha apo Berisha si personazh i botës së krimit.

Por, sot vajza e tij, pasi foli në parlament dhe pasi përdori të njëjtat fjali që dikur i kishte folur si prind Lulzim Basha, ajo tha se kryetari i PD-së i kishte kërkuar takime me disa persona, me disa ndërmjetës, emrat e të cilëve nuk i tha.

E rasti i Ymer Lalës, ku akuzohej si bandit se nuk kaloi në krahun e Lulit, nuk është i pari dhe as i fundit, që akuzon Lulzim Basha. Janë me dhjetëra akuza që janë hedhur ndaj tij për biznesin, ata që Luli i quan oligarkë, të cilëve shpesh herë ju ka mbajtur dosjet dhe vendimet e qeverisë, nuk ka folur, nuk i ka çuar në Gjykatën Kushtetuese, ashtu sikurse ishte ligji për Arsimin e Lartë, thjeshtë dhe vetëm për të vënë gjoba apo për intersat e tij klienteliste. Ligji për Arsimin e Lartë është derivat i klientelizmit të Henri Çilit.

Heshtja e tij për një sërë aferash korruptive, për konçesione apo për shumë ligje, të cilat Luli nuk i përmend dhe nuk i shpreh, sepse ai është peng.

Janë me dhjetëra ligje, të cilat nuk i ka çuar në Gjykatën Kushtetuese, të cilat i ka mbajtur për gjobëvënie apo pasi kanë paguar haracin bizneset, për të cilat Lulzim Basha ka heshtur.

Rasti i sotëm, i denoncuar nga Reme Lala për babain e saj, kushdo qoftë ai, tregon se kush është Lulzim Basha, cila është fytyra e tij e vërtetë në marrëdhënie me njerëzit, të cilët ai i sulmon, i akuzon dhe i gjobit vetëm e vetëm që të jenë në krahun e tij. Dhe kjo sot është e provuar.

Jo vetëm në rastin e denoncuar nga një vajzë e re sot në parlament,  e cila nuk mbeti peng i akuzave të Lulit dhe këtij të fundit çuditërisht i iku gjuha dhe më pas e justifikoi Berisha, duke thënë se babai i saj kishte bërë mirë që kishte goditur kryebashkiakun e Dibrës.

E kështu sot mësuam dhe rikonfirmuam se cila është fytyra e kryetarit të Partisë Demokratike. Cila është fytyra e vërtetë e Lulit të Republikës së re. E njeriut që flet për moral, kur nga krahu tjetër është vetë imoraliteti. Flet për korrupsionin, duke akuzuar të tjerët, kur në fakt është vetë simboli i tij. Dhe në finale flet si një njeri që mban fjalën, por në fakt është një nga shumë të paburrat që ka ai Parlament, veçse shumë prej të cilëve janë edhe në grupin e tij parlamentar dhe të vendosur prej tij si deputetë./ CNA.al





Lajmet e fundit nga