E fundit!

13:28 Ekonomi

Vendimet e bordit/ Ulet çmimi i benzinës, nafta vijon rritjen

Bordi i Transparencës në datë 4 qershor 2026, në mbledhjen...

I akuzuari nga SHBA/ Rama në mbrojtje të Bashës

31 Janar 2019, 14:36, Aktualitet CNA

Sot në parlament, kryeministri Edi Rama, megjithëse u akuzua ashpër nga Lulzim Basha, nuk u drejtua nga ai, por antenat i ktheu tek Sali Berisha, ish-lideri i opozitës.

Rama injoroi Lulzim Bashën, megjithëse ky i fundit e akuzoi për korrupsionin, për vjedhjen e votave, për bandat. Ndërhyri disa herë dhe në fund mbajti një fjalim të gjatë, derisa iku nga salla.

Por, Edi Rama në asnjë moment dhe në asnjë rast nuk u mor me Lulzim Bashën, as me Partinë Demokratike. Ai akuzoi ish-kryeministrin e vendit se nuk do ta kalonte dot oqeanin, sepse kishte marrë një mesazh nga Ambasada Amerikane, të cilin e kishte përmendur edhe rreth dy javë më parë, ku sipas kryeministrit, SHBA i ka revokuar vizën Sali Berishës dhe familjarëve të tij.

Në fakt më shumë se një akuzë e Ramës ndaj Berishës, është një lojë që kryeministri bën për të mbajtur fort Lulzim Bashën dhe për të dalë në mbrojtje të tij.

Ai përpiqet të akuzojë Berishën, përpiqet të krijojë ilaritet në opinion me figurën e Sali Berishës dhe të lërë të qetë Lulzim Bashën. Kjo për një mijë e një arsye.

Së pari, është marrëveshja Rama-Basha.

Së dyti, Edi Ramës më shumë se kushdo tjetër i duhet Lulzim Basha në krye të Partisë Demokratike dhe nuk ka asnjë arsye ta sulmojë apo akuzojë.

Ashtu sikundër edhe për foton e Lulit me presidentin e SHBA, Donald Trump, të financuar nga offshore dhe me para të pista nga Rusia, sërish sot Edi Rama nuk e drejton gishtin nga Luli, por e drejton tek Sali Berisha.

Është i disata herë që në parlament kur ka situata të nxehta dhe tensione, Edi Rama e nxjerr nga skema Lulzim Bashën. E mbron atë, e mban nën sqetull, nuk e akuzon sepse Edi Ramës i duhet Lulzim Basha.

E në qoftë se ish-kryeministrit i është revokuar viza e këtë argument e përdor sot në parlament Edi Rama, për shumë e shumë çështje të tjera të Lulzim Bashës, kryeminsitri ynë nuk flet.

Rama, sot shkarazi kaloi hetimet në SHBA për foton e Bashës me Trump dhe financimin, por nuk e vazhdoi atë akuzë e cila, është shumë herë më e rëndë dhe është kryesorja në realitetin politik, ku lideri i opozitës së një vendi ndoshta më pro amerikane në botë, akuzohet për financime ruse, për një foto me presidentin e SHBA, nga firma offshore.

Dhe këtë Edi Rama nuk e përdor në parlament. Nuk e sulmon dhe as nuk e akuzon Lulzim Bashën. Kjo vetëm e vetëm për ta mbrojtur. Dikush mund të pretendojë se këtë e bën për të mos e vlerësuar, për të mos e faktorizuar, për ta mënjanuar. Por, në fakt e vërteta është krejt ndryshe.

Lulzim Basha është shpëtimi për Edi Ramën. Është ai që i duhet në krye të PD-së, kryeministrit sot. Prandaj, Edi Rama sulmon dhe akuzon Sali Berishën. Kjo është arsyeja e vetme pse sot, kryeministri akuzoi ish-kreun e PD-së dhe thjeshtë e përkëdheli kryetarin e opozitës, Lulzimin e Republikës së Re./CNA.al