web counter
LEXO PA REKLAMA!

SHKARKO APP

App Store
Google Play

E fundit!

x

Zyrtari gjerman "shuplakë" qeverisë/ Të rinjtë, pa të ardhme në Shqipëri

30 Janar 2019, 13:17, Aktualitet CNA

Në konferencën mbi Zhvillimin Ekonomik dhe Kushtet e Infrastrukturës në Shqipëri të zhvilluar në ditën e sotme morën pjesë dy anëtarë të Komisionit të Ekonomisë, Jorida Tabaku dhe Ervin Bushati, përfaqësues i Dhomës së Tregtisë dhe Industrisë, Nikolin Jaka dhe Martin Henze, përfaqësues i partisë CDU në Gjermani. Kjo konferencë u organizua nga Konrad Adenauer Stiftung me përfaqësues Walter Glos.

Objekti i diskutimit të sotëm ishte Zhvillimi i Infrastrukturës në Shqipëri dhe Ballkan dhe Financimi nga Bashkimi Evropian.

Gjatë fjalës së tij, zoti Ervin Bushati u shpreh  ?Shqipëria ka bërë hapa të mëdhenj në kuadër të zhvillimit ekonomik që nga viti 1990. Në vitin e fundit ekonomia është rritur me 4.2% dhe borxhi publik është sa 1.9% e PBB-së, gati sa gjysma e rritjes ekonomike. Ky nivel është më mirë se shumë vende në Evropë dhe niveli i taksave është po më i ulëti në Evropë. PPP-të zënë 33% të PBB-së dhe ¾ e tyre janë në sektorin e energjisë. Përmirësim ka pasur edhe sektori i punësimit duke u pasqyruar në rritje të nivelit të punësimit. Ka ende shumë punë për t?u bërë dhe një nga këto është reforma në drejtësi.?

Duke falenderuar organizatorët për ftesën dhe duke theksuar faktin se Qeveria Shqiptare ka lidhje të ngushtë me Gjermaninë dhe veçanërisht me partinë CDU (Christian Democratic Union) në Gjermani, Bushati mbylli fjalën e tij.

Menjëherë sapo përfundoi fjalimin e tij, kërkoi ndjesë dhe u largua nga Konferenca. Një veprim që Martin Henze, Kryetar i Komisionit të Transportit të Këshillit Ekonomik të CDU, e cilësoi si jo serioz sapo mori fjalën.

?Fjalimi i zotit Bushati mu duk mjaft cinik. Në vitin 2015, 85000 shqiptarë janë larguar nga Shqipëria brenda dy muajsh dhe kanë kërkuar azil në Gjermani sepse kishin uri në vendin e tyre. Të rinjtë nuk shohin të ardhme në Shqipëri dhe janë duke u larguar gjithashtu. Sistemi i taksave nuk është më i miri, ai nuk nxit investitorët që të investojnë në Shqipëri, madje është një nga arsyet pse të rinjtë duan të largohen nga Shqipëria. Zoti Bushati tha se është rritur punësimi. Është normale që të rritet sepse është ulur forca e punës duke qenë se të gjithë po largohen nga vendi. Ai foli për përmirësim dhe rritje. Por, sa të vërteta janë këto shifra? Bashkimi Evropian ka një eksperiencë jo të mirë me manipulimin e shifrave nga Greqia. Sugjeroj që shifrat të verifikohen sepse janë shumë të bukura për të qenë të vërteta. Rritja ekonomike është e pamundur të jetë 4.2%.?

Martin Henze nuk la pa përmenduar as PPP-të. ?PPP nuk janë transparente dhe të drejta. Është normale që të rinjtë të duan të ikin nga vendi kur shohin se taksat që ata paguajnë shkojnë në xhepa koncensionarësh.?

Duke mos u larguar as nga qëllimi i konferencës, Henze theksoi rëndësinë e infrastrukturës dhe nivelin e Shqipërisë. ?Sektori i shërbimit ka dhënë një kontribut të madh në ekonomi dhe është përmirësuar disi. Por, sektori i prodhimit ofron pak kontribut dhe ka nevojë për mbështetje. Duhet të rriten investimet në infrastrukturë. Porti i Durrësit është në një gjendje të mjerueshme, ashtu si shumë rrugë. Infrastruktura e dobët pengon eksportet dhe ul prodhimin. Është e turpshme që një pjesë e madhe e fermerëve shqiptarë prodhojnë për vetë-konsum dhe jo për të eksportuar.?

Ai ka mbyllur fjalën e tij duke u fokusuar mbi ?marrëdhëniet e mira? mes CDU-së dhe qeverisë shqiptare, për të cilat foli Ervin Bushati. ?Pretendimi i Bushatit nuk është i vërtetë, nuk mund të cilësojmë marrëdhënie të mira dëshirën për të bërë foto të bukura në Berlin.?

Fjala e zotit Henze ishte një shuplakë për qeverinë dhe gjithë pretendimet e saj. Urojmë që kjo shuplakë të zgjojë nga gjumi shqiptarët./ probiznes.al





Lajmet e fundit nga