web counter
LEXO PA REKLAMA!

SHKARKO APP

App Store
Google Play

"Financieri i Habilajve" mbetet pa avokat/ Tërhiqet Detar Hysi

30 Janar 2019, 12:37, Aktualitet CNA

Detar Hysi, mbrojtësi ligjor i Nazer Seitajt, i akuzuar si Financier i grupit të Habilajve, ka hequr dorë nga mbrojtja ndaj klientit të tij.

Në një shkresë drejtuar Gjykatës së Krimeve të Rënda, Hysi thotë se e ka të pamundur ushtrimin e detyrës së tij për shkak të mos komunikimit me të pandehurin Nazer Seiti, i cili gjykohet në Itali.

?Në vazhdim të përmbushjes së detyrës time si mbrojtës, në bazë të ligjit për Avokatinë, ju njoftoj se nuk jam më mbrojtës dhe përfaqësues i këtij shtetasi, në seancën gjyqësore paraprake më 04.02.2019 të caktuar nga ana juaj  për gjykimin e kësaj kërkese penale, për shkak të moskomunikimit me të pandehurin Nazer Seiti, pasi ai ndodhet me masë shtrënguese, sigurimi personal në shtetin Italian nga gjykata e Catanias. Në këto kushte e kam të pamundur vazhdimin e mbrojtjes.? Shkruan avokati Hysi në shkresën drejtuar Gjykatës së Krimeve të Rënda.

Seiti është një ndër 10 të pandehurit e këtij grupi që hetohet prej më shumë se një viti si nga Prokuroria e Krimeve të Rënda në Shqipëri ashtu edhe nga prokuroria e Katanias në Itali. Nezar Seiti u prangos në tetor 2017 për llogari të Italisë dhe një hetimi të Prokurorisë së Krimeve të Rënda së bashku me Armando Koçerrin. Nezar Seiti është ekstraduar në Itali në Janar 2018 dhe fillimisht u vendos në një burg në Romë i veçuar nga të pandehurit e tjerë mes tyre Moisi Habilaj.





Lajmet e fundit nga