web counter
LEXO PA REKLAMA!

SHKARKO APP

App Store
Google Play

E fundit!

x

Nga Klodian Tomorri/ Trusti i lulelakrës që kërkon favore në emër të fermerëve

30 Janar 2019, 16:05, Aktualitet CNA

Një nga masat më të mira të paketës fiskale të vitit 2019 ishte ulja e masës së rimbursimit të TVSH-së për produktet bujqësore nga 20 për qind në 6 për qind. Skema e cila ishte vendosur që në vitin 2014, në fakt ishte abuzim me parate e qytetareve për disa arsye.

Së pari, në cdo vend të perëndimit, kompesimi i TVSH-së për fermerët varion nga 4 deri në 9 për qind. Ka një arsye se pse kompesohet kaq dhe jo 20 për qind. Nëse bën llogaritë e TVSH-së që një fermer paguan për të prodhuar një produkt të caktuar, ajo nuk e kalon asnjëherë vlerën 6 për qind të produktit final. Ndaj nuk mund të kompesohet 20 për qind, kur është paguar 6 për qind.

Së dyti, nga 1 janari paketa fiskale ka hequr tërësisht TVSH-në për inputet bujqësore, e cila nga 20 për qind tani është bërë zero. Dmth fermeri kur blen farërat, fidanët, plehrat dhe pesticidet nuk paguan me TVSH. Tani I vetmi zë në kosto ku fermeri paguan 20 për qind TVSH është vetëm ccmimi i naftës. Rrjedhimisht masa e tvsh-së së paguar nga fermeri në vlerën e produktit final tani është edhe më e ulët se sa 6 për qindëshi që kompesohet.

Së treti, skema e kompesimit në masën 20 për qind ishte shndërruar në një shteg të madh korrupsioni, ku tregtarët abuzonin. Teorikisht ccdo tregtar që blen një produkt nga fermeri duhet të autofaturonte dhe në faturë të shënonte cmimin e mallit plus 20 për qind tvsh. Pra nëse një kilogram domate kushton 100 lekë, tregtari ose agropërpunuesi duhet t’i paguante fermerit 120 lekë nga të cilat 100 lekë si ccmim plus 20 lekë tvsh. Ky 20 lekësh I njihej si tvsh e zbritshme, kur tregtari e shiste produktin tek konsumatori fundor.

Idealisht skema duhet funksiononte kështu. Por në praktikë 20 lekëshi nuk shkonte asnjëherë I plotë tek fermerët dhe mbahej gjithmonë si fitim nga tregtari. Një pjesë e madhe e tregtarëve ja u blinin produktet fermerëve pa faturë fare duke mos u dhënë rimbursim TVSH-je. Dhe për këtë sasi produktesh bënin vetë fatura fiktive, edhe përmes nipteve fantazmë. Praktikisht qytetarët që paguajnë taksa ishin duke subvencionuar 20 milionë euro në vit për disa tregtarë dhe agropërpunues me lidhje politike dhe jo për fermerët.

Tani që masa e rimbursimit u ul nga 20 në 6 për qind trusti i lulelakrës, i përbërë nga disa tregtarë dhe agropërpunues, është hedhur në sulm, gjithmonë duke përdorur si argument fermerët. Përmes lobimit në qeveri dhe parlament ata po kërkojnë sërish rikthimin e rimbursimit të TVSH-së në masën 20 për qind. Kështu mund të vazhdojnë të marrin 20 milionë euro në vit taksa të qytetarëve. Por kjo është e padrejtë për arsyet e listuara më sipër.

Fermerët nuk ndihmohen me rimbursim tvsh-je, por me subvencion. Dhe subvencioni nuk mund të bëhet përmes palëve të treta, qofshin këta tregtarë apo agropërpunes. Në të kundërt paratë do të përfundojnë gjithmonë në xhepat e tyre, dhe asnjëherë tek fermerët. Por taksapaguesit e varfër shqiptarë nuk kanë para të paguajnë 20 milionë euro ccdo vit për një grusht tregtarësh dhe agropërpunuesish që kanë krijuar trustin e lulelakrës.





Lajmet e fundit nga