web counter
LEXO PA REKLAMA!

SHKARKO APP

App Store
Google Play

E fundit!

x

Gazetari denoncon/ Kryetari i PS-së, merr gjashtë rroga

22 Janar 2019, 15:43, Aktualitet CNA

Gazetari Bledi Mane në një postim në rrjetet sociale ka denoncuar rastin e kryetarit të Partisë Socialiste të Përmetit, Edvin Tuçi. Sipas tij Tuçi si prefrencë e ish- ministres  Mirela Kumbaro merr gjashtë rroga, duke kryer disa funksione të ndryshme shtetërore njëkohësisht.

Më tej ai sulmon edhe ish-ministren Kumbaro, sipas të cilit emërimi i saj në postin e ministres së Kulturës 5 vite më parë ishte një mëkat.

Më poshtë gazetari Mane ka renditur pozicionet dhe rrogat e kryetarit të PS-së së Përmetit.

?U ngjira 5 vjet rresht se emërimi i Mirela Kumbaros si ministre kulture ishte një nga mekatet e shumta të socialistëve. Gafat permanente te mësueses Kumbaro fyenin inteligjencën bazike, poshtëronin besimin e njerëzve…
Budallallëku dhe cinizmi i Mireles dilte nga godina e ministrisë në pjesën lindore të Tiranës dhe zgjatohej deri poshtë në zonën e saj elektorale në Permët. Dobësia dhe simpatia e Mirelës per djem te gjatë në trup dhe mendje fyle, ka lënë pasoja të rënda. Lexoni pa marrë frymë çfare ka bërë mysybetja socialiste në qytetin tim.
Edvin Tuçi pasi përfundoi një kurs marangozësh në Kamëz, u kthye ne Përmet. Para 3 vjetësh kandidoi për këshilltar bashkiak nga partia e koalicionit të djathtë Ora. Hyri në këshill si i djathtë por kur e pikasi Mirela Kumbaro, e bëri kryetar të Partise Socialiste. Para 3 muajsh, me propozim po të Mirela Kumbaros, emërohet zëvendës prefekt i qarkut të Gjirokastrës. Bashkëshorten e tij e rregullojnë me punë edukatore në kopshtin Nr.2 të Përmetit. Veç kësaj, Edvin Tuçi ka në pronësi edhe një kafe bar qysh prej 26 vitesh dhe kurrë nuk ka paguar asnjë detyrim fiskal. E si për ti vënë kapak yjnereve të tij, kryetari socialist ka dhe në pronësi të vetmen kompani funeralesh në gjithë rrethin e Përmetit. Njerëzia detyrohet të paguaje edhe kursimet e fundit te kryetari për blerje arkivoli apo hapje varri. Të ardhurat finaciare të kryetarit të Partisë Socialiste të Përmetit Edvin Tuçi, janë të frikshme duke krahasuar standartin mjeran lokal të komunitetit. Ja rrogat dhe fitimet e tij:
1./Edvin Tuçi, kryetar funksionar i PS-së, 590 mijë lekë rrogë mujore
2./Edvin Tuçi, zëvendes prefekt i Qarkut Gjirokastër, 720 mijë lekë rroga mujore
3./Edvin Tuçi, anëtar i këshillit bashkiak Përmet, 230 mijë lekë rroga mujore
4./Edvin Tuçi, bashkëshortja, edukatore kopshti, 450 mijë lekë rroga mujore
5./Edvin Tuçi, pronar i bar Tuçit, 650 mijë lekë të ardhurat mujore
6./Edvin Tuçi, pronar i funeralit te Përmetit, 1 miliinë e 800 mijë lekë të ardhurat mujore…
Shënim i rëndësishëm/ Edvin Tuçi është komshiu dhe shoku im i fëmijerise. Më njeh dhe e njoh mirë. Është aq inteligjent sa libri i fundit që ka lexuar Edvini është menuja e restorant Erës në Tirane!?-shkruan Mane./CNA.al





Lajmet e fundit nga