E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Rama luftë me mediat online/ Pas gjobave, vendos TVSH 20%

18 Janar 2019, 08:41, Aktualitet CNA

Kryemnistri Edi Rama është i qartë në betejën e tij me median dhe fjalën e lirë.

Pasi ka vënë nën thundër televizionet kombëtare dhe një pjesë të gazetave kryesore në vend, në pamundësi për të censuruar portalet ka filluar luftën e tij me gjoba dhe taksa.

Pas nismës ligjore ku një portal, për një lajm dënohet me 10 milionë lekë sipas projektit të kryeministrit, pra 3-fishin e masës së një televizioni kombëtar, në heshtje Rama nëpërmjet Ministrisë së Financave, ka marrë një tjetër vendim.

Pas një investigimi dhe informacioneve të mbledhura nga CNA.al (City News Albania) në ndryshimet ligjore të paketës fiskale, kreu i qeverisë ka vendosur TVSH 20% për reklamat e portaleve, ndërsa televizionet (media audio vizive) vetëm 6%.

Edi Rama për klientelën e tij mediatike ka vendosur një taksë të ulët, ndërsa për ata që i quan armiq e kundërshtarë, por që në fakt janë e vetmja fjalë e lirë në Shqipëri, Rama ka vendosur TVSH 20%.

Një sulm i qëllimshëm ndaj mediave online nga kryeministri, i cili ligjet për gjoba dhjetëra milionëshe dhe TVSH 20%, i quan reforma e rregullime ligjore. Por në fakt dardha e ka bishtin mbrapa. Një televizion kombëtar dënohet me 4 milionë lekë, ndërsa një portal 10 milion lekë thotë kryeministri ynë, një televizion kombëtar paguan 6% TVSH për reklamat, një portal 20%.

CNA.al kontaktoi me zyrtarë të kryeministrisë, të cilët i mohojnë ndryshimet në paketën fiskale, por zyrtarët e Ministrisë së Financave e pranojnë se në ndryshimet ligjore është hequr fjala media elektronike duke venë TVSH 6% për mediat audiovizive, ndërsa ato elektronike kalojnë automatikisht me 20%.

Në datën 28/12/2018 është botuar fletroja zyrtare Nr. 187, ku ndër të tjera është publikuar ligji Nr 96/2018 ” Për disa shtesa dhe ndryshime në ligjin nr. 92/2014, ?Për tatimin mbi vlerën e shtuar në Republikën e Shqipërisë?, të ndryshuar.

Konkretisht, preket Neni 53, Përjashtime për disa veprimtari të tjera, pika J. furnizimi i shërbimeve të shtypshkronjave për gazetat, furnizimi i gazetave, i revistave dhe i librave të çdo lloji, si dhe furnizimi i shërbimit të reklamave nga media e shkruar dhe nga media elektronike;

Në ligjin 96/2018 ne Nenin 3 Thuhet: Në nenin 53, ?Përjashtime për disa veprimtari të tjera?, në shkronjën ?j? fjalët ?dhe i librave?, ?dhe nga media elektronike? hiqen.

Kjo do të thotë se mediat elektronike kalojnë automatikisht në fashen 20 % TVSH, ajo që është standarte, thanë zyrtarë të Ministrisë së Financave për CNA.al.

Gjithashtu është bërë një ndryshim për Median Audio-Vizive, ku në po të njëjtin ligj 96/2018 në Nenin 1, Në nenin 49, ?Shkallët e reduktuara?, pas pikës 5 shtohen pikat 6, 7 dhe 8 me këtë përmbajtje: ?6. Shkalla e reduktuar e tatimit mbi vlerën e shtuar, e cila aplikohet për furnizimin e shërbimit të reklamave nga media audiovizive, është 6 për qind.

Edhe gjatë fushatës së trajnimeve për informin që realizon DPT në zyrat e Sherbimit të Tatimpaguesit, konkretisht ajo që u mbajt me datë: 15/01/2019, me rastin e ndryshimeve të shumta ligjore dhe kohës së shkurtër, kur ato u futën në fuqi, nga ana e lektorëve në diskutimet që janë bërë është pranuar se tashmë Media Elektrinike është në fashen standarde të TVSH-së 20% dhe ajo Audio-Vizive 6%.

TVSH 20 % nga kryeministri Rama, vjen menjëherë pas iniciativave të tij ligjore për gjobat dhe mbylljen e portaleve, si dhe vendosjen e një këshilli censure pranë Autoritetit të Mediave Audio Vizive./ CNA.al