Mesazh për Ramën/ Fajin nuk ta ka Zëri i Amerikës, por zëri i Lulit dhe Monikës

15 Janar 2019, 13:31, Aktualitet CNA

Kryeministri Rama ditën e djeshme ka hedhur një tjetër sulm kundër mediave, duke sulmuar publikisht Zërin e Amerikës, zërin zyrtar të Departamentit Amerikan të Shtetit.

Zëri i Amerikës, që ndoshta në vitin ?90, Edi Rama e dëgjonte fshehur në ndonjë skutë, atë Radio që mbante gjallë shpresën e shqiptarëve për shumë vite gjatë diktaturës, Radion e cila ka paralajmëruar ndryshimet demokratike në Shqipëri, apo që ka qënë zëri i shqiptarëve sa herë ka pasur Shqipëria lëvizje si dhe ngjarjet në Kosovë.

E dje nuk u kursye Zëri i Amerikës, tashmë edhe me edicionet televizive të lajmeve dhe me median online në shqip, por u quajt ?kazani i Tiranës?.

Në fakt, kryeministri nuk ka faj, sepse gjithë ditën merret me sondazhet që i cojnë mbi tavolinë kompanitë që i ka kontraktuar, duke e parë sa pikë është Basha në opinionin publik, sa pikë është Kryemadhi, sa përqind të votave mund të marrë PD-ja, sa vota mund të marrë bashkë PD-ja dhe LSI-ja, sa vota merr vetë PS-ja, kush i duhet Ramës në koalicion. Si e ka trendin rritës apo zbritës kryeministri, me 7 apo 8%.

Gjithë ditën, duke lexuar sondazhet, e duke parë sjelljen dhe paaftësinë e Lulit dhe Monikës dhe faktin se opinioni publik nuk i mbështet ata dy emra, sikurse nuk mbështet as vetë Ramën, dhe duke qënë se dobësinë e opozitës ai e shikon si fitoren e tij, kryeministri ynë merr kurajon dhe sulmon Zërin e Amerikës.

Në fakt, Edi Rama duhet ta kuptojë se fajin nuk ia ka Zëri i Amerikës që thotë të vërtetën dhe jo atë që do ai. Fajin nuk ia ka aspak Zëri i Departamentit Amerikan të Shtetit, por fajin ia kanë Monika me Lulin, që në sondazhe dalin shumë poshtë dhe ai kujton se është i qetë dhe zgjedhjet i fiton. Por kur flet Zëri i Amerikës kundër, nuk ka kryeministër që fiton në Shqipëri dhe këtë Edi Rama duhet ta dijë mjaft mirë.

Nuk është Zëri i Amerikës, as Luli dhe as Monika, që ti ulesh në pazare një herë njërin dhe një herë tjetrin. Nuk është Zëri i Amerikës, as sondazhet që gjen cdo ditë në tavolinë Rama mbi performancën dhe pikët apo përqindjet në perceptimin publik. Kështu që zoti kryeministër fajin nuk ta ka Zëri i Amerikës, por Luli me Monikën./ CNA.al

E quajti kazan/ “Zëri i Amerikës” i përgjigjet Ramës