E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Bomba” e Palokës/ Zbulon planin e Ramës për Balilin

15 Janar 2019, 12:20, Aktualitet CNA

Nënkryetari i Partisë Demokratike, Edi Paloka në një deklaratë për mediat ka thënë se me ?Eskobarin e Ballkanit?, Klement Balilin do të veprohet në të njëjtën mënyrë si me çështjen e ish-ministrit Saimir Tahiri.

?Shpërdorimi i detyrës do të jetë akuza më e lehtë për kryeministrin Edi Rama.

Skema Tahiri do të funksionojë dhe për bashkëpunëtorin e tij Klement Balili.?-tha ai.

Më tej, deputeti i PD-së u shpreh se gjatë gjithë kësaj kohe Balili ka pasur mbështetjen e qeverisë dhe kryeminstrit Edi Rama.

?Balili ka pasur mbështetjen e qeverisë së Ramës gjatë gjithë kësaj kohe që ndodhej në arrati. Arrestimi i tij është vetëm fasadë.?-tha Paloka./CNA.al

Deklarata e Plotë:

Shoqërimi i Klement Balilit në qeli nuk është një hap i madh kundër krimit, por dorëzim i kontrolluar dhe i menaxhuar i Eskobarit të Ballkanit në pakt me Edi Ramën.

Me vetëdorëzimin e Klement Balilit, pas kapjes së plotë të drejtësisë, Edi Rama po zbaton të njëjtën skemë të sofistikuar si me Saimir Tahirin: dorëzim i kontrolluar, hetim sipërfaqësor, çlirim nga akuzat e rënda për trafik droge.

Rasti i parë, kur kjo do të provohet, si çdo denoncim tjetër i Partisë Demokratike për lidhjet e Edi Ramës me krimin, do të jetë rasti i Saimir Tahirit.

Për ish ministrin e drogës, i cili e la mandatin e deputetit dhe u vu në mënyrë të kontrolluar në arrest shtëpie, sa për të gënjyer partnerët, po përgatitët lirimi nga akuza kryesore për bashkëpunim në trafikun e drogës. Shpërdorimi i detyrës do të jetë akuza më e lehtë për të, sepse Edi Rama kontrollon hetimin.

Skema ?Tahiri? do të funskionojë edhe për bashkëpunëtorin e tij, Klement Balili. Prandaj Drejtori i Transporteve të Edi Ramës, të cilin Partia Demokratike e denoncoi 5 vjet më parë si person kyç në trafikun ndërkombëtar të drogës, ka pranuar të vetëdorëzohet.

Gjatë gjithë kësaj kohe, Klement Balili, ka patur mbështetjen e qeverisë së Edi Ramës.

Propaganda nuk do ta ndihmojë Edi Ramën të shesë si sukses skemën e dorëzimit të kontrolluar të Klement Balilit për ta mbrojtur atë, njësoj si Saimir Tahirin.

Ky nuk është rasti për të duartrokitur Policinë, por për të kuptuar se Policia, qeveria dhe drejtësia janë, për fat të keq, në duart e një njeriu të vetëm, që ka lidhur fatin e pushtetin të tij me fatin e krimit.

…