E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Klement Balili/ Nga vetdorëzimi në birucat e Komisariatit Nr.6

15 Janar 2019, 18:22, Aktualitet CNA

Ish kryeministri Sali Berisha në një postim në rrjetet sociale të bërë në orën 10:30 shkruan se i shumëkërkuari Kelment Balili është vetëdorëzuar në polici.

Berisha ka publikuar mesazhin e ardhur në adresë të tij nga shumënjohuri ?Qytetari dixhital?, sipas të cilit, Balili ishte nisur drejt Tiranës me nipin e tij Rigels Balili për tu dorëzuar në Prokurorinë e Krimeve të Rënda.

Menjëherë pas denoncimit të Berishës ishte ministri i Punëve të Brendëshme, Sandër Lleshaj, i cili doli në një deklaratë për shtyp në orën 12:00, ku njoftoi zyrtarisht arrestimin e të shumkërkuarit Klement Balili.

Pesë minuta më vonë në 12:05 erdhi dhe reagimi i kryeministrit Edi Rama në një postim në rrjetet sociale se ky është një hap i madh përpara në luftën kundër krimit të organizuar duke mos harruar që të urojë për arritjen ministrin e Brendshëm Sandër Lleshaj, Policinë e Shtetit dhe SHISH. Sipas tij kapja e Klement Balilit është një nga operacionet më të sofistikuara policore, i cili ka vijuar për muaj të tërë dhe vetëdorëzimi i Balilit është përfundimi i tij me sukses.

Në një video ekskluzive të Report Tv shfaqen momentet e fundit të Balilit ku përshëndetej me familjarët përpara se të nisej drejt Tiranës. Ai udhëtoi me një automjet tip ?Benz? i shoqëruar nga eskorta e Policisë së Shtetit ku prezent ka qenë edhe drejtori i përgjithshëm i Policisë Ardi Veliu.

Nën vrazhdën e të gjitha këtyre ngjarjeve nuk mund të mungonte dhe komenti i presidentit Ilir Meta, i cili nga qyteti Lezhës duke e përshëndetur ndalimin e tij dhe duke falenderuar partnerët e gjithanshëm për presionin e ushtruar deri në arrestimin e tij.

Ndërkohë, në orën 12:34 mësohet edhe emri i atij që do të jetë avokati i Balilit, një emër i njohur për publikun shqiptar, ish kryeprokurori Theodhori Sollaku. Mbi Balilin rëndojnë katër akuza ajo e trafikimit të lëndëve narkotike, grupit të strukturuar, mosdeklarim i pasurisë kur ishte drejtor i Transporteve dhe pastrim parash.Balili pritet të njihet me këto akuza pas dy ditësh kur të dalë para trupës gjykuese.

Rreth orës 12:47 Klement Balili mbërrin në Tiranë i shoqëruar nga eskorta e Policisë së Shtetit dhe drejtori Ardi Veliu i cili i ka shoqëruar me makinën e tij duke e transportuar atë në qelitë e paraburgimit ne komisariatin nr.6 në Kombinat./CNA.al