E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Flet ekspertja/ Si të mposhtni pagjumësinë me pesë veprime

10 Janar 2019, 19:00, Aktualitet CNA

Çdo një ndër tre persona vuan nga pagjumësia, kjo mund të vijë si pasojë e ankthit,stresit apo problemeve të tjera.

Mjekja,Nerina Ramlakhan ka ndarë disa këshilla, që mund të ndihmojnë çdokënd për të bërë një gjumë të qetë dhe të mjaftueshëm.

Kur duhet të ha mëngjes?

Procesi i ngrënies stabilizon përbërjen kimike të gjakut, kështu bën të mundur dhe çlirimin e hormoneve si Oksitocina, e cila më vonë gjatë ditës ndihmon edhe në çlirimin e Melatoninës, e cila njihet ndryshe edhe si hormoni që sjell përgjumjen dhe më pas gjumin.

Disa persona kanë probleme me ngrënien menjëherë sapo zgjohen, për ta këshillohet që të fillojnë të hanë një gjysmë tosti, apo disa bajame, ose fruta të thata.

Kur duhet të shkoj në shtrat?

Të shkosh të flesh para se të bier mesnata është shumë e rëndësishme. Kur flemë herët, të paktën në tre ditë të javës, ndjehemi më mirë, jemi më të shëndetshëm si dhe dukemi më të rinj e mendojmë më qartë.

Sa ujë duhet të pi, para se të shkoj të fle?

Në situatën ideale do të duhet të konsumojmë rreth një litër e gjysmë der në dy litra ujë në ditë. Kemi nevojë që të qendrojmë të hidratuar, në mënyrë që të gjitha sistemet dhe aparatet e trupit tonë të funksionionojnë ashtu siç duhet. Filloni gradualisht, me nga një litër e gjysmë derisa të arrini në konsumin e dy litrave.

Kur duhet ta fik celularin, para se të fle?

Duhet të largoni çdo pajisje elektronike, të paktën gjysmë ore para se të shkoni për të fjetur, ndërsa kur të zgjoheni duhet të merrni të paktën 20 minuta para se të prekni celularin.

Gjatë ditës këshillohet që të programoni një minutazh të caktuar gjatë të cilit do të jeni totalisht të lirë nga përdorimi i teknologjisë. Kur jeni duke kaluar kohë me miqtë, ose familjarët bëni mirë që të largoni pak sytë nga telefoni juaj celualar. Do të shpërbleheni me një gjumë të qetë e të thellë.

Sa kafeinë duhet të konsumoj?

Duhet të keni parasysh që të mos zëvendësoni kafeinën me ushqimin. Në fillim duhet të ushqeheni më pas mendoni që të pini dozën tuaj të kafeinës.

Në një situatë ideale nuk duhet të konsumoni kafeinë pas orës tre pasdite, nëse keni probleme me gjumin duhet të konsumoni vetëm dy filxhanë kafeje, ose çaji në ditë./Cna.al