web counter
LEXO PA REKLAMA!

SHKARKO APP

App Store
Google Play

Policia paralajmëron studentët/ Do të merren masa për shkeljet e ligjit

9 Janar 2019, 21:19, Aktualitet CNA

Policia e Shtetit ka reaguar me një njoftim të publikuar në rrjetet sociale për studentë protestues të cilët ditën e sotme nxorrën në koridoret e fakulteteve bankat dhe karriget e klasave.

Sipas policisë, kjo është një vepër penale për të cilat do të mbahet përgjegjësi përkatëse. Policia gjithashtu i ka bërë thirrje studentëve të mos përfshihen në shkelje ligjore që mund t?u kushtojë shumë në të ardhmen e tyre profesionale

Njoftimi i plotë i Policisë së Shtetit:

Persona të caktuar kanë tentuar të pengojnë në mënyrë të paligjshme dhe të dhunshme veprimtarinë normale mësimore në disa universitete të vendit, duke penguar dhe mohuar të drejtën e studentëve për të studiuar.

Në të njëjtën kohë, këta persona që kanë tentuar të cënojnë procesin mësimor, kanë konsumuar kundërvajtje administrative dhe vepra penale për të cilat do të mbajnë përgjegjësitë përkatëse.

Policia e Shtetit u bën thirrje studentëve, që tentojnë të përfshihen, pa u thelluar, në veprimtari të paligjshme, të veprojnë me maturi e përgjegjësi dhe të evitojnë ngarkesën me barrë shkeljesh ligjore dhe rekordesh policore që në hapat e parë të karrierës profesionale, barrë e cila mund t?u kushtojë shumë në të ardhmen e tyre profesionale./CNA.al





Lajmet e fundit nga