web counter
LEXO PA REKLAMA!

SHKARKO APP

App Store
Google Play

E fundit!

x

Artan Fuga flet pa doreza/ Do t'ju tregoj kush e ka marrë peng Akademinë e Shkencave

7 Janar 2019, 07:59, Aktualitet CNA

Akademiku i njohur Artan Fuga ka paralajmëruar se do ta bëjë publike, se cilët individë e kanë marrë peng Akademinë e Shkencave të Shqipërisë.

Në një postim në rrjetet sociale, Fuga shkruan se ?Akademia e Shkencave ekzistuese, vegjeton, e marrë peng prej vitesh nga disa individë, të cilët do t’i tregoj se kush janë në vazhdim. Janë shfaqur vetë pak ditë më parë në këto kohë të turbullta kur menduan se u bë deti kos!?.

Më tej, Fuga thekson se ?Do t’ju rrëfej edhe 33 pikat ndarëse të projektit tim për reformimin e plotë nëpërmjet rithemelimit të Akademisë të Shkencave, nga projekti i dështuar i grupit të Ministrisë të Arsimit të përfaqësuar nga Skënder Gjinushi !

Sikur të kishte pasur studentë në Akademinë e Shkencave ata do të ishin prej vitesh në revoltë atje! ? shkruan më tej i indinjuar, profesori i njohur. –  Disa individë nuk mund të uzurpojnë Akademinë e Shkencave që u takon studiuesve të ndershëm shqiptarë, rinisë, kombit.

Ata nuk mund të vazhdojnë të keqpërdorin taksat e shqiptarëve,  të bëjnë shoë në vend të jenë në shërbim të shkencës kombëtare, të paguhen pa punë, pa strategji, dhe pa matje të rezultateve të punës, të mos drejtojnë kërkim shkencor, një pjesë prej dekadash pa artikuj shkencorë jashtë vendit,  të shpërndajnë paranë publike me metoda me konflikti të pastër interesi, pa funksion, të zenë vende pune dhe të bëhen akademikë për shkenca për të cilat nuk kanë as diplomë universitare, me botime pa lexues, me bibliotekë pa të abonuar, me revista pa akses në platformat shkencore europiane, pa platforma bashkëpunimi funksionale me akademi europiane perëndimore ose universitete perëndimore,  me një platformë ideologjike që është antishkencë!?/ CNA.al





Lajmet e fundit nga