web counter
LEXO PA REKLAMA!

SHKARKO APP

App Store
Google Play

E fundit!

x

Si të kthehemi në super formë pas festave të fundvitit

5 Janar 2019, 10:17, Lifestyle CNA

Një ndër momentet më të sikletshme të festave të fundvitit është peshorja. Po, minimumi ke shtuar 3 kg më tepër, gjë që sigurisht nuk e doje. Të mos e zgjasim:Si të kthehemi në super formë pasi e kemi tepruar me ushqimin?

Fillimisht duhet të keni parasysh që të konsumoni zarzavate të freskëta, të pasura në hekur, me pak kalori, por që largojnë ndjenjën e urisë.

Frutat më të preferuara janë portokallet, dardhat dhe kiwi-t që kanë me bollëk vitaminë C, fosfor dhe kalium.

Trupi ka të drejtë të ushqehet mirë edhe kur është në dietë, ndaj mos neglizhoni vaktet. Dietologia Blerina Bombaj thekson se dita duhet të nisë me një mëngjes të plotë; psh omletë me zarzavate të ndryshme.

Më pas, mund të konsumojmë fruta, kos pa yndyrë, mini-sanduice etj.

Mos harroni sallatat e bollshme dhe kushtojini rëndësi peshkut. 2-3 herë në javë është ideale.

Gjatë këtyre ditëve, pini mjaftueshëm ujë dhe konsumoni çaj jeshil, një antioksidant i rëndësishëm, por pa sheqer.

Çfarë duhet të shmangni?: Pijet me gaz, lëngjet e gatshme dhe alkoolin.

Për rezultate më të shpejta: Kryeni aktivitete fizike!





Lajmet e fundit nga