E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Për herë të parë, Renato Mekolli prezanton të dashurën misterioze

31 Dhjetor 2018, 09:28, Lifestyle CNA

Shefi i kuzhinës Renato Mekolli është kthyer në një ndër personat më të komentuar të momentit dhe emisioni i tij “Hell’s Kitchen” ka tërhequr vëmendjen e të gjitha mediave.

Megjithëse përflitet shpesh për anën profesionale, Renato ka preferuar ta mbajë larg kameras jetën e tij private, për të cilën ka folur për herë të parë në një intervistë për revistën “Class”.

Shefi i kuzhinës ka treguar se e ka njeriun e tij, të cilën për një arsye shumë të fortë ka preferuar të mos e nxjerrë në ekran, por t’a ruajë me fanatizëm nga sytë e mediave.

“Me jetën private nuk kam shitur dhe nuk do të shes kurrë. Familja ime është një gjë shumë e shenjtë, njeriu im është diçka shumë e shenjtë. Kur ka dalë familja një herë të vetme në ekran, po drishesha i tëri, nuk dija çfarë të thoja, humba komplet ekuilibrin dhe nuk isha më unë. Familja dhe njeriu im është një gjë shumë e shenjtë, nuk ka pse të dalë.”

“As ajo nuk ka pse të dalë. Përderisa me këtë person, unë nuk kam vendosur të martohem dhe të jemi zyrtarisht bashkë, pse të dalë? Të bësh këtë gjë që bëjnë shumë, të shesin personin e tyre nga mëngjesi në darkë që të bëjnë lajm, të kënaqen dhe ta publikojnë në Instagram dhe në FB në çdo mënyrë, që të diskutohen, për mua është e pakonceptueshme. Unë, nga kjo pjesë, nuk kam nxjerrë kurrë asgjë. Ju, nëse merreni me Renaton, merreni me shpërthimet e Renatos, me punët e Renatos si shef, ka të bëjë gjithmonë me punën time. Ndodh me shumë pak personazhe, në dijeninë time, që të jetë kaq të përfolur vetëm për punën. Kjo është shumë e rrallë. HK është puna ime dhe kjo më mbush plot.”

I pyetur nëse bashkëjeton, ai është përgjigjur se në fakt në këtë pjesë është treguar pak egoist.

“Jo, kjo është, mbase, pjesa në të cilën mund të them që egoizmi im është i dukshëm. Mund të shkoj unë në shtëpinë e saj, ajo në timen, mund të rrimë bashkë, të jetojmë bashkë, por jo, nuk bashkëjetoj.”- ka rrëfyer ai, duke preferuar sërish të mos e bëjë publik identitetin e partneres së tij.