web counter
LEXO PA REKLAMA!

SHKARKO APP

App Store
Google Play

Në kërkim për vrasje prej vitit 1989/ Ekstradohet 54-vjeçari

31 Dhjetor 2018, 10:07, Aktualitet CNA

Interpol Tirana në bashkëpunim me autoritetet e Shteteve të Bashkuara Amerikane ka ekstraduar një person i cili kërkohej nga autoritetet shqiptare që prej vitit 1989.

Mësohet se është ekstraduar nga Detroit/SHBA drejt Shqipërisë, shtetasi shqiptaro-amerikan Selim Struga, 54 vjeç, lindur  në Tiranë.

Shtetasi Selim Struga,  me vendim nr. 1010A dt. 26.07.2012 të Gjykatës Rrethit Gjyqësor Tiranë, lënë në fuqi me vendimin  nr.975 datë 11.10.2012 të Gjykatës së Apelit Tiranë është dënuar me 15 vjet burg, për veprën penale ?Vrasje me dashje? , parashikuar nga neni 76 i Kodit Penal.

Përmbledhje e ngjarjes së ndodhur:

Më datë 21.06.1989, rreth orës 17:00, në vendin e quajtur ?Varri i Bamit?, pranë lokal ?10 Korriku?, Tiranë, ky shtetas ka vrarë me një armë të ftohtë (thikë) shtetasin G. C.

Menjëherë pas ngjarjes, autori është larguar nga Shqipëria nëpërmjet  kufirit me Ish Jugosllavinë.

Pas shkëmbimit të informacioneve me autoritetet e Shteteve të Bashkuara, në vitin 2007 subjekti  është arritur që të lokalizohet në SHBA dhe pas kërkesës së autoriteteve shqiptare, ai është arrestuar në këtë vend me qëllim ekstradimi drejt Shqipërisë në vitin 2011.

ZQK Interpol Tirana në bashkëpunim të ngushtë me Shërbimin e Sigurisë Diplomatike (DSS) të Ambasadës së Shteteve të Bashkuara, ka finalizuar me sukses ekstradimin drejt Shqipërisë në datë 30.12.2018, duke e vënë këtë subjekt në dispozicion të organeve të drejtësisë shqiptare.





Lajmet e fundit nga