web counter
LEXO PA REKLAMA!

SHKARKO APP

App Store
Google Play

E fundit!

x

Ndërrimi i viteve/ Presidenti Meta u bën thirrjen e rëndësishme shqiptarëve

31 Dhjetor 2018, 18:39, Aktualitet CNA

Presidenti i Republikës Ilir Meta ka uruar shqiptarët në ditën e ndërrimit të viteve duke u bërë një thirrje.

Në një postim në rrjetet sociale, Meta ka kërkuar nga të gjithë që vitin që po vjen të jenë më tolerantë dhe shpreson se 2019 do sjellë më shumë pozitivitet e shëndet për të gjithë.

?Të dashur motra e vëllezër shqiptarë!

Sot, në ditën e fundit të vitit 2018 uroj sinqerisht të lemë pas të gjitha vështirësitë, pamundësitë e ndasitë, konfliktet e vazhdueshme dhe rraskapitëse të vitit që po mbaron, për të ndërtuar një dialog të qëndrueshëm, të shëndetshëm e të gjithanshëm mes nesh, për të na sjellë të gjithëve, më shumë përkushtim dhe vëmëndje ndaj gjërave të mira e të bukura, më shumë vullnet, forcë e përgjegjësi, më shumë energji, mençuri dhe besim për të qenë së bashku në sfidat tona dhe më shumë vizion e përpjekje për suksese të përbashkëta.?-shprehet Meta.

Më tej kreu I shtetit uron që këtë vi të bëhet e mundur hapja e negociatave.

?Uroj që Viti 2019 të realizojë dëshirën e madhe të hapjes së negociatave me Bashkimin Evropian dhe të na sjellë më pranë ëndrrën e bukur të të rinjve dhe të gjithë shqiptarëve, ?ta bëjmë Shqipërinë si gjithë Evropa?, duke na ftuar, gjithë secilin prej nesh, të dhurojmë më shumë dashuri për njëri-tjetrin, fëmijët tanë, prindërit e të afërmit, fqinjët e miqtë tanë, për familjen shoqërinë e vendin tonë të mrekullueshëm!?-shkruan ai.

Në fund të postimit Presidenti u uron të gjithëve sa më shumë dashuri e pozitivitet.

?Gëzuar Vitin e Ri 2019!

Ju uroj shëndet, gëzim e hare, paqe, shpresë e mirëqenie, dashurie e mirësi për njëri-tjetrin!

Le të na shoqërojnë këto urime e ndjenja pozitive për gjatë gjithë vitit që po troket!???-mbyll shkrimin e tij Presidenti Meta./CNA.al





Lajmet e fundit nga