web counter
LEXO PA REKLAMA!

SHKARKO APP

App Store
Google Play

E fundit!

x

Rama shpartallon FRESH-in dhe Forumin e gruas/ Nuk na duhen forumet komuniste

28 Dhjetor 2018, 10:00, Aktualitet CNA

Kryeministri Rama ka qënë i ashpër në fjalën e tij para Asamblesë Kombëtare të PS, në drejtim të FRESH-it si dhe të Forumit të Gruas Socialiste.

“Kur filloi protesta e studentëve në rrugë, mora Elion. I thashë, Elio, çfarë bën, ku i ke ata të FRESSH-it? Aty tha, tek Ministria. Shumë  mirë, edhe FRESH-i në protestë tek Ministria, fëmijët tanë. Domethënie, shumë e madhe, por nga ana tjetër ka ardhë koha që të nxjerrim një mësim nga eksperienca dhe nga çfarë dëgjuat nga studentët gjatë gjithë ditëve. Edhe ata që ishin të doktoreshës dhe të artistit thonin ?nuk i duam forumet këtu?, se iu vjen turp të thonë jemi të forumeve. FRESH-i nuk mund te jetë më organizata ekskluzive e rinisë socialiste. FRESH-i mund të jetë një nga organizatat.”-tha Rama.

Më tej, kryeministri shigjetoi edhe Forumin e Gruas socialiste, ku theksoi se ”

Forumin e gruas e dëgjoj vetëm kur ka zgjedhje dhe zihen gratë me njëra-tjetrën. Nuk e shoh as ku është dhe as çfarë bën. Nuk ka nevojë të ketë Forum gruaje, le të organizohen të gjithë si të duan. Pse duhet të kemi forumin e grave komuniste, për çfarë arsye? Vetëm zihen me njëra-tjetrën kur ka zgjedhje dhe bashkohen për 8 mars, sepse bëjnë sikur shkojnë shumë mirë me njëra- tjetrën dhe këtu mbaron. Për çfarë na duhet ne, forumi i grave komuniste, vetëm për sherr!

Ndërkohë që gratë i kemi integruar në Partinë Socialiste, i kemi integruar në qeveri. Ndërkohë që edhe qeveria e re sot do të ketë 50 % gra.

Pra, për çfarë na duhen?

Nuk na duhen më organizata ekskluzive, nuk na duhen më forume statike. Nuk na duhet më një parti që nuk riformatohet në territor në çdo organizatë, që nuk ngre rrjetin e koordinimit, që nuk rrjetëzohet me të gjitha grupet e interesit. Një parti që ka kapacitetin, jo të ndalojë një protestë, por ka  kapacitetin t?u flasë njerëzve.”.





Lajmet e fundit nga