E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Gara për Drejtorin e Teatrit/ Proçes i kompromentuar?

25 Dhjetor 2018, 11:43, Aktualitet CNA

Aleanca për Mbrojtjen e Teatrit ka kërkuar transparencë për garën për postin e Drejtorit të Teatrit Kombëtar Eksperimental.

Në një postim në rrjete sociale, aleanca për Teatrin kërkon nga gazetarët që të investigojnë mbi këtë proces, që sipas tyre është i komromentuar.

?Qendrim i Aleances per Mbrotjen e Teatrit ne lidhje me konkursin e hapur postin e Drejtorit te Teatrit Kombetar Eksperimental.

Ju lutemi qe ta shperndani, u bejme thirrje gazetareve te investigojne mbi kete proçes te kompromentuar. Teatri meriton me shume! #mbroteatrin?-thuhet në reagim

Teksa përmend dy kandidaturat për këtë post, aleanca thekson përpjekjet e drejtorit aktual të Teatrit, Kiço Londos, për të mos lejuar shkatërrimin e këtij monumenti.

Ndërsa nga ana tjetër Jonida Beqo është pjesë e grupit t ëparë që firmosën shkatërrimin e kësaj godine.

?Dy kandidaturat e përfolura në shtyp në javët e fundit janë zoti Kiço Londo, aktualisht drejtor i këtij teatri dhe zonja Jonida Beqo, aktualisht drejtoreshë e Teatrit të Metropolit.

Kiço Londo është i njohur për publikun e gjerë për angazhimin e tij shumëvjeçar për zhvillimin e skenës teatrore shqiptare dhe edukimin e fëmijëve përmes teatrit e për t?u drejtuar te teatri. Aktualisht sipas të dhënave në dispozicion, rezulton se me 3% të buxhetit të vënë në dispozicion për teatrin nga Ministria e Kulturës TKE prodhon 60% të shfaqjeve teatrot në rang kombëtar, ndërkohë që me detyrim ligjor do të mjaftonte të prodhonte 3% të shfaqjeve.

Për ne si aleancë, Kiço Londo në 10 muajt e rezistencës sonë, ka spikatur me mbështetjen e fortë që i ka bërë kauzës së mbrojtjes së teatrit nga shembja. Nga ana tjetër, zonja Beqo ka spikatur me përfshirjen e saj në radhën e atyre që firmosen për shembjen e teatrit. Kjo gjë bën që përfshirja e saj në proces si kandidate e vetme përballë zotit Londo të shfaqë dyshime për gjithë procesin. Ndërkohë, mbështetja që ka dhënë zoti Londo për kauzën e mbrojtjes së teatrit lë të mendohet që ka qenë me pasoja direkte për të.?-shkruhet në postim.

Ndërsa në fund të shkrimit të Aleancës për Mbrojtjen e Teatrit, thuhet se ky proces nuk ka qenë i hapur dhe publik duke vendosur kritere përjashtuese siç është gjuha angleze, më tej kërkohet transparncë në votim dhe që fituesi të përzgjidhet nga një komision artisëtësh.

?Për më tej, procesi që në fillesë është i dënuar të paragjykohet. Ai nuk ka qenë i hapur dhe publik për të mirëpritur kandidatura të tjera, është vënë si kriter përjashtues gjuha angleze, që drejtpërdrejt çon në përjashtimin e zoti Londo nga gara dhe mbetjen në të të zonjës Beqo si k andidate e vetme.

Aleanca për Mbrojtjen e Teatrit kërkon nga qeveria që këtë proces mos ta përmbyllë me ngut e në mënyrë jotransparente sikurse ka vepruar më herët në raste të tjera. Procesi duhet të jetë i hapur, platforma për zhvillim që paraqesin kandidatët të bëhet publike, vlerësimi për përzgjedhjen e kandidatit fitues të bëhet nga një komision me artistë të pavarur e të mirënjohur në skenën teatrore në Shqipëri.?-mbyll postimin në rrjetet sociale aleanca për Teatrin./CNA.al