web counter
LEXO PA REKLAMA!

SHKARKO APP

App Store
Google Play

E fundit!

x

“Kemi gabuar”/ Ish-ministri i nxjerr bojën Ramës, numëron të gjitha “bëmet” e qeverisë

25 Dhjetor 2018, 11:36, Aktualitet CNA

Ish-ministri i Drejtësisë në qeverinë ?Rama 1?, Ylli Manjani ka reaguar pas deklaratës së djeshme të kryeministrit i cili pas mbledhjes së kryesisë së PS, ndër të tjera tha se ?kemi gabuar?.

Në një postim në faqen e tij në rrjetet sociale, Manjani ngre pyetjen nëse ?bëmat? e tyre mund të quhen gabime.

Më tej, ish-ministri numëron një për një të gjitha ?bëmat? e kësaj qeverie, ndërsa thekson se aferat e njohura për mashtrim ndërkombëtar dhe për pastrim parash korrupsioni janë të ditura dhe denoncuara nga gazetarët media dhe agjencitë e huaja.

?Kemi gabuar?- tha Edi Rama.

A mund të quhen ?gabime? bëmat e tyre?!

Burimet natyrore NAFTE e GAZ i dha me koncension firmave Azere, të njohura për mashtrim ndërkombëtar dhe për pastrim parash korrupsioni. Fakt që e denoncojnë gazetarë, media e agjensi të huaja.

Infrastrukturën gjithashtu me PPP dhe Koncension, me faturë të kripur për të gjithë ne dhe fëmijët tanë.

Në shëndetësi paratë ja dha privatit, kurse sëmundjet ja la shtetit. Spitalet publike rropaten me sëmundjet e njerëzve, ndërkohë check up rrujti të gjithë financimin e këtij sektori, pa ofruar asnjë lloj cilësie.

Arsimin jo vetëm nuk e bëri cilësor, por e shtrenjtoi sa më ska.

Ekonomia është mbyllur si asnjëherë tjetër më parë në pak, shumë pak duar (jo për faj të duarve). Njerëzit duhet të paguajnë më shumë se më parë për të marrë shërbime dhe për të blerë në treg. Ky i fundit nuk ka më konkurrencë të lirë, por është mbytur nga pozita monopol.?-shkruan Manjani.

Më tej, ish-ministri thekson se njerëzit kanë sot gjithnjë e më pak para në xhep.

Sipas Manjanit, ?Bankat e huaja ikën thuajse të gjitha. Kredia e bisnesit thuajse nuk ekziston. Mbijetesa e tyre sigurohet vetëm nga kreditë konsumatore ose shërbime bankare të tjera.

Kompani pa identitet, pra Off shore, janë prezent në të gjitha sektorët ku ka para për të pastruar dhe transferuar në llogari të mbrojtura jashtë Shqipërisë.?

Gjithashtu Manjani shkruan se të gjitha këto e të tjera si këto, nuk tregojnë për ?Gabime?, por për veprime të qëllimshme dhe me faj të rënde ndaj Shqipërisë e Shqiptarëve.

?Ministrat që përflasin sot mediat (me indicie nga Rama) janë dëshimtarë të këtyre veprimeve me faj, por jo fajtorët e vetëm.

Ata zbatuan me përpikmëri planin e hartuar nga shefi i tyre.

Ndaj autokritikën e tipit komunist me ?gabime? dhe ?shuplaka?, nuk mund të haet as me vaj e as me uthull.

Është e ndyrë! E çpifur fare!

Kjo qeveri ka rënë në çdo aspekt, jo thjesht prej ministrave kukulla, por prej modelit më të keq qeverisës që instaloi Edi Rama dhe Rilindja e tij.

Nuk mund ta kalojë këtë situatë krize, nga më të rëndat, as me grupe të brendshme armiqsore e as me autokritika komuniste.

Duhet të marrë pëgjegjësinë që i takon, që në fakt është e gjitha për e mbi Të.?-përfundon postimin e tij Ylli Manjani.





Lajmet e fundit nga