E fundit!

09:44 Politikë

Triumfoi ndaj Boçit në garën për nënkryetar/ Mesazhi i Këlliçit pas fitores

Belind Këlliçi është zgjedhur nënkryetar i PD-së me 177 vo...

Nuk ndalet Monika Kryemadhi/ U shpall “luftë” njerëzve të Metës

22 Dhjetor 2018, 14:23, Aktualitet CNA

Kryetarja e Lëvizjes Socialiste për Integrim, Monika Kryemadhi, krahas sulmeve ndaj Ramës, duket se nuk kursen as Ilir Metën.

Gjatë një takimi që ka zhvilluar me strukturat e LSI në Elbasan, Monika Kryemadhi ka shpallur luftë edhe njërëzve të Metës.

?Për të gjithë ata, të cilët e kanë përdorur si trampolinë LSI-në dhe sot janë në tepsinë e Edi Ramës, kanë qenë turpi i LSI-së dhe sot nuk janë gjë tjetër veçse pjesë përbërëse e grupit të Edi Ramës, ku treguan dhe njëherë që me votën e tyre kundër Vettingut në politikë, ata janë hajdutët, ata janë grabitësit, ata janë kriminelët, ata janë ata që s`duan Reformën në Drejtësi, ata janë ata që s`duan të ngrihet Byroja e Hetimit dhe SPAK-u?-tha ndër të tjera Monika Kryemadhi.

Por, janë përfaqësuesit e LSI-së, të cilët kanë kaluar me Ramën, janë as më pak e as më shumë se njerëz të ish-kreut të LSI, Ilir Metës, sot President.

Kujtojmë këtu se LSI po përballet me probleme të brendshme, ku përveç rrjedhjes së Këshilltarëve në Këshillat Bashkiakë drejt socialistëve, edhe ndër deputetët e kësaj force politike ka pasur lëvizje.

Pak kohë më parë u largua nga LSI dhe doli deputet i pavarur Robert Bitri, i cili më pas zgjodhi të bëhet pjesë e PS.

Që prej daljes në opozitë disa deputetë të kësaj force nuk po i binden më Kryemadhit. Konkretisht bëhet fjalë për deputetët Robert Bitri, Vangjel Tavo, Nasip Naço dhe Edmond Haxhinasto. Të gjithë këta deputetë gjatë gjithë kësaj legjislature në një farë mënyre janë treguar të distancuar ndaj Kryemadhit, pasi disa herë radhazi nuk i janë bindur urdhrave të saj sa i takon aksionit opozitar. Madje këta deputetë janë shfaqur indiferent edhe sa i takon bashkëpunimit me Partinë Demokratike. Kjo për faktin se shpesh në komisionet parlamentare, por edhe në seancat plenare ka pasur një moskoordinim veprimesh apo më saktë një distancim të deputetëve të LSI ndaj atyre demokratë./ CNA.al