E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Albana Vokshi kundër Bashës/ Republika e Re bëhet qesharake, tani kundër biznesit

22 Dhjetor 2018, 21:06, Aktualitet CNA

Deputetja nën siglën e Partisë Demokratike që sot quhet Republika e Re, Albana Vokshi ka dalë kundër biznesit dhe premtimeve të kryetarit Lulzim Basha në fushatën e zgjedhjeve parlamentare të 2017, por edhe kundër qëndrimeve të kësaj force politike në fushën ekonomike.

Në një postim në rrjetet sociale Vokshi, shkruan se qeveria përgjysmoi tatimin mbi dividentin nga 15 në 8% dhe për të me këtë ulje olgarkët e Edi Ramës do të fitojnë të paktën 50 milionë euro në vit.

Qëndrimit të Vokshit dhe disa zëravë të paditur në PD, që flasin si të jenë revolucionarë të një partie komuniste ju përgjigj me disa argumenta në një tjetër postim gazetari me profil ekonomik, Klodian Tomorri. Tomorri theksonte se PD ka humbur busullën, sipas tij tatimi mbi dividentin në qeverinë Berisha ishte 10%, cka bëri që fitimet e kompanive të shpërndaheshin, me ngritjen në 15% kompanitë nuk shpërndajnë dividend thekson gazetari. Këtu mund të lexoni postimin e plotë të gazetarit Tomorri.

Një qëndrim i një gazetari ndoshta nuk i mjafton zonjës Vokshi, por kur nuk di apo nuk ke memorie më mirë mos fol thonë. Por le ti kthehemi fakteve konkrete dhe të ndihmojme Albana Vokshin dhe cdo zë të cartur të Republikës së Re.

Qeveria Berisha e kishte tatimin mbi dividentin 10%, Edi Rama e coi 15%, PD ka pasur me dhjetra konferenca dhe reagimimë mediatike se kjo rritje do dëmtonte biznesin dhe qeveria nuk do mererte asnjë të ardhur më shumë, sepse firmat nuk do shpërndanin divident. Dhe ndodhi, pikërisht kështu sic pretendoi PD dhe sqaroi gazetari Tomorri, por Albana ndoshta nuk mban mend, të shohë pak në arkiv, ndoshta kujtohet.

Por le të shkojmë tek zgjedhjet e 2017, jo vetëm tek shtimi i taksave nga qeveria Rama në 2014. Në fushatën e zgjedhjeve të atij viti, Lulzim Basha premtim kryesor kishte uljen e taksave. Basha tha: taksë e sheshtë 9 % dhe 0% taksë për dividentin. Kush gënjën sot Luli apo Albana? Apo nuk prish punë në Republikën e Re, ecet me parimin futja tja futim?

Këto dy fakte tregojnë qartë se zonja Vokshi do ishte më mirë të mos fliste të paktën për të respektuar profilin e djathtë të PD, për të mos e quajtur një parti neo marksiste për disa qëndrime skandaloze që vijnë nga gjobat që kërkon kryetari tek bizneset.

Së dyti, këto qëndrime tregojnë se PD është një orkestër e coroditur ku dirigjenti i jep klarinetën atij që i bie vjolinës, apo pianon atij të i bie daulleve.

Ose zonja Vokshi është kundër Bashës dhe politikave e premtimeve të tij për ekonominë, ose Lulzim Basha mashtroi publikisht dhe duhet të kërkojë ndjesë. Në fakt Albana, duhet të ketë më shumë kujdes nga familja e Lulzimit tani se kunati do fitojë goxha miliona nga dividenti.

Tani pritet që edhe kryetari i Albanës të thotë ndonjë fjalë ndryshe nga premtimet e tij të djeshme, mesa duket nga paralajmërimi i saj, por Luli dihet që pështyn atje ku ha. Të paktën dikush duhet të ngelet me dinjitet në partinë e Lulit dhe familjes që quhet Republika e Re, se janë deformuar të gjithë vetëm Luli nuk po ndryshon sepse ai i deformuar ka qenë që ditën e parë./CNA.al

Pse e ka humbur rrugën PD-ja?