Sot në “Bixhoz me dashurinë”/Anika dhe Shivai të shkatërruar pas ndarjes së tyre

20 Dhjetor 2018, 08:12, Aktualitet CNA

Shivai i thotë se gjithçka ka marrë fund midis të dyve. Ai i thotë se pati një moment kur mendoi se familja, gjaku dhe mbiemri nuk kishin rëndësi, por sot e kuptoi që ka shumë të drejtë në mënyrën se si mendon. Ai i thotë se deri tani ka qenë në një ëndërr por tani falë saj është zgjuar sërisht. Shivai u drejtohet gazetarëve dhe thotë se ka një lajm bombastik për ta; Shivai Oberoi është divorcuar dhe nuk ka më asnjë lidhje me Anikën.

Pinki mundohet të largojë Anikën nga shtëpia, por ajo nuk pranon të dalë. Anika i kërkon Shivait pjesën që i takon; gjysmën e pasurisë së tij. Ai xhindoset dhe e nxjerr vetë nga shtëpia me forcë. Të dy qajnë dhe kujtojnë historinë e tyre që nga fillimi.

Nga nervat Shivai qan vetëm në dhomë, thyen pasqyrën dhe lëndohet edhe vetë. Anika endet rrugëve dhe mendon për fjalët e Pinkit. Anika strehohet te mikesha e saj. Një vajzë dëgjon lajmin e ndarjes së Shivait dhe thotë se ai nuk do të qëndrojë për shumë kohë beqar. Ditën tjetër gjyshja nuk beson dot atë që po ndodh. Pinki është mëse e lumtur, ndërsa Shakti e qorton dhe i kujton se Anika ishte jeta e Shivait, çfarë do të ndodhë tani me djalin e tyre. Shivai sillet sikur nuk ka ndodhur asgjë dhe merret me punë. Pinki u thotë të gjithëve se duhet ta marrin më lehtë ngjarjen, njësoj si Shivai. Om dhe Rudra përpiqen të flasin me Shivain, por ai ua ndalon rreptësisht dhe u thotë se Anika është e shkuara e tij dhe ai nuk shikon kurrë mbrapa. Anika vetëm qan dhe ndihet fajtore për atë që bëri.

Bavias i pëlqen shumë vendi, por kur shikon që nuk është askush tjetër aty, shqetësohet dhe pyet Rudrën se pse kanë ardhur aty. Rudra i thotë se kishte dëshirë që të kalonte pak kohë vetëm me të. Rudra i jep asaj një kokërr, me demek që mos ta kafshojnë mushkonjat. Bavjas fillojnë t?i merren mendtë. Ajo shqetësohet. Rudra i thotë se është Sulltani, por ka vënë maskën si Rudra dhe ka ardhur për të marrë hak ndaj saj. Ai i drejton armën. Bavja shqetësohet. Rudra qëllon me armë dhe del ujë. Pastaj dalin gjithë miqtë e tij dhe i thonë se është një festë surprizë.

Rudra qesh dhe pyet Bavjën nëse e besoi dhe u tremb. Ai i thotë se është aktor i zoti. Bavjës nuk i pëlqen aspak shakaja. Bavja prezantohet me mikun e Rudrës, Raghav. Atij i duket fytyrë e parë BAvja dhe e pyet nëse ka mbaruar akademinë me vëllain e tij. Bavja trembet, por i thotë se po e ngatërron me dikë tjetër. Ai fillon të flirtojë me Bavjan, por Rudra kujdeset që t?i tregojë vendin duke i thënë se ajo është gruaja e tij. Gori dëgjon zhurma dhe bëhet kurioze.

Ajo shikon hallën në oborr. Halla gërmon një gropë dhe thotë se plani i saj do të funksionojë, Om do të shkojë në mënyrë që Ratan të kthehet. Gori nuk e kupton për çfarë e ka fjalën. Halla shtyp një lloj erëze me të cilën do të bëjë një çaj helmues për Om. Gori kupton planin e saj, por nuk di çfarë të bëjë për të paralajmëruar Omkarën, që nuk e beson aspak.