web counter
LEXO PA REKLAMA!

SHKARKO APP

App Store
Google Play

E fundit!

x

Këto shenja tregojnë se mëlçia juaj është në telashe

20 Dhjetor 2018, 14:59, Lifestyle CNA

Një mëlçi që funksionon siç duhet është jetësore për shëndetin tonë. Normat e sëmundjes së mëlçisë po rriten vazhdimisht gjatë viteve.

Funksionet kryesore të mëlçisë janë:

? Pastron gjakun duke metabolizuar alkoolin, ilaçet ( e përshkruara dhe çlodhëse) dhe duke neutralizuar substancat helmuese.

? Prodhon proteina esenciale për trupin, duke përfshirë ato që parandalojnë mpiksjen e gjakut, rrugët e hapura për shpërndarjen e lëndëve ushqyese në gjak dhe proteinat që mbrojnë nga infeksioni.

? Prodhon kolesterol duke e kthyer atë në substancë thelbësore të përdorur nga trupi.

? Rregullon furnizimin me energji duke prodhuar, ruajtur dhe shpërndarë glukozën në trup dhe në tru.

? Rregullon dhe balancon hormonet, duke përfshirë ato të gjëndrave të veshkave dhe tiroides.

Shkaqet e mundshme të dëmtimit të mëlçisë janë të shumta dhe përfshijnë trashëgiminë (dmth predispozita gjenetike), sëmundjet afatgjata të mëlçisë (p.sh: cirroza) dhe ekspozimi i zgjatur ndaj substancave toksike. Është e rëndësishme të kuptojmë shenjat e mundshme të dëmtimit të mëlçisë për të ruajtur shëndetin dhe mirëqenien tonë.

Këtu do të paraqesim 7 shenja të mundshme të dëmtimit të mëlçisë:

Lodhja

Hulumtime të ndryshme kanë arritur në përfundimin se lodhja kronike është simptoma më e zakonshme e dëmtimit të mëlçisë. Profesionistët mjekësorë spekulojnë se lodhja në lidhje me mëlçinë është një nënprodukt i ndryshimeve neurokimike në tru dhe i pabarazive hormonale.

Përkeqësimi i ndjenjës së lodhjes është niveli i lartë i nënprodukteve toksike në gjak, që në një mëlçi të dëmtuar nuk mund të eliminohen siç duhet.

Lëkura e thatë ose e irrituar

Lëkura e irrituar dhe e acaruar në mënyrë të vazhdueshme është një tjetër tregues i mundshëm i dëmtimit të mëlçisë. Për të qenë të shëndetshëm, lëkura jonë kërkon lagështi nëpërmjet transmetimit të lëngjeve brenda trupit.

Kur ky lëng nuk furnizon në mënyrë të mjaftueshme, nuk është e pazakontë që lëkura të marrë një tjetër pamje duke përfshirë skuqje të duarve ose këmbëve, zverdhim të membranave të mukozës, ose shenja (njolla) të pashpjegueshme (të errëta ose të hapura) në disa zona të caktuara.

Dhimbje barku

Nëse mëlçia është dëmtuar, është e zakonshme të ndjehet dhimbje rreth zonës së barkut. Pacientët shpesh e përshkruajnë këtë dhimbje si ?therje? ose ?pulsim?, një simptomë që shpesh lehtësohet vetëm nëpërmjet trajtimit të duhur të problemit. Përdorimi afatgjatë i disa lloje medikamentesh me ose pa recetë mund të rezultojë në dëmtime afatgjata të mëlçisë.

Ata që përjetojnë dhimbje të përhershme abdominale të variantit të goditjes ose të pulsit dhe kanë përdorur medikamente të tilla për një periudhë të konsiderueshme, duhet të vizitojnë një mjek për ta vlerësuar gjendjen.

Përzierje ose të vjella

Siç është përmendur më parë, një nga funksionet primare të mëlçisë është se detoksifikon dhe ndihmon për të dëbuar çdo substancë toksike nga trupi. Kur funksioni i detoksifikimit të mëlçisë dëmtohet, një numër problemesh mund të shfaqen, duke përfshirë ndryshimet e papritura në tretjen normale dhe metabolizëm.

Mëlçia është një organ i madh brenda sistemit të tretjes. Prandaj, çdo gjendje e lidhur me mëlçinë mund të shfaqet në problemet e tretjes. Përzierja dhe të vjellat ndodhin shpesh për shkak të akumulimit të toksinave të cilat mëlçia nuk mund t?i zhdukë.

Mavijosjet

Ndër rolet më të rëndësishme të mëlçisë është të ndihmojë në prodhimin e enzimeve të nevojshme proteinike. Një klasifikim i enzimave të proteinave ndihmon në parandalimin e mpiksjes së gjakut. Kur ky mekanizëm i mpiksjes së gjakut është i dëmtuar, ndryshimet në pamjen e lëkurës janë të zakonshme.

Lidhur me këtë, sipas Institutit Kombëtar të Diabetit dhe Sëmundjeve të Tretjes dhe të Mëlçisë: ?Kur mëlçia ngadalëson ose ndalon prodhimin e proteinave të nevojshme për mpiksjen e gjakut, një person do të mavijoset apo do t?i dalë gjak lehtësisht?.

Fryrja e barkut

Dëmtimi i mëlçisë pengon rrjedhën normale të gjakut tek organi, gjë që rrit presionin në venat përreth. Këto ?vena përreth? përfshijnë ato që janë përgjegjëse për transportimin e gjakut nga shpretka dhe zorrët në mëlçi. Ndërprerja e këtij procesi shkakton që nivelet e presionit të gjakut të rriten, një gjendje e njohur si hipertension portal.

Hipertensioni portal shkakton akumulimin e lëngjeve rreth barkut, një gjendje e quajtur ascites. Ascites mund të lindin gjithashtu nga paaftësia e mëlçisë për të bërë proteina të tjera të gjakut.

Verdhëza

Problemet me mëlçinë mund të shkaktojnë çngjyrosje të syve dhe të lëkurës. Kjo gjë ndodh për shkak të krijimit të një pigmenti biliar quajtur bilirubin, i cili nuk mund të veprojë siç duhet. Zverdhimi i lëkurës apo syve quhet verdhëz. Përveç ndryshimit të pamjes së syrit, verdhëza mund të shkaktojë simptoma të tjera duke përfshirë errësimin e urinës, kruajtjen e plotë të trupit dhe dëmtime të tij.

Lajmi i mirë është se mëlçia është një organ që përshtatet shpejt dhe organ elastik kur trajtohet, dhe shpesh është e aftë të shërohet vetë. Nën drejtimin e një mjeku, shumica e sëmundjeve të mëlçisë marrin një prognozë pozitive.

Duhet që të konsultoheni me një mjek profesional nëse ndonjë nga këto simptoma vazhdon të shfaqet. Ashtu si me shumicën e gjendjeve mjekësore, sa më herët të përcaktohet shkaku themelor, aq më efikas do të jetë çdo trajtim./Cna.al





Lajmet e fundit nga