web counter
LEXO PA REKLAMA!

SHKARKO APP

App Store
Google Play

E fundit!

x

Dita e Pakicave Kombëtare/ Fotografi shqiptar hap ekspozitë për promovimin e Shqipërisë, në Rumani

19 Dhjetor 2018, 19:45, Aktualitet CNA

Në kuadër të 18 dhjetorit, ditës së Pakicave Kombëtare, Shoqata Lidhja e Shqiptarëve të Rumanisë në Galerinë “Galateca” ka organizuar ekspozitën “Shqipëria, poetika e hapësirës”, me autorë fotografin shqiptar Ardian Fezollari.

Në hapjen e ekspozitës kanë marrë pjesë krijues të njohur të jetës artistike rumune, zyrtarë të  lartë, deputetë, artistë figurativë, kritikë të njohur arti, përfaqësues të medias, anëtarë të komunitetit historik të shqiptareve të Rumanisë, dashamirës të artit.

Gjatë fjalës së tij deputeti Bogdan Alin Stoika, foli për rëndësinë e hapjes së kësaj ekspozite, e cila i shërben drejtpërsëdrejti promovimit të artit shqiptar, por dhe njohjes së piesazhit shqiptar në Rumani, gjithashtu dhe dialogut kulturor mes dy vendeve.

Për të pranishmit e ekspozitës u përcollën imazhet e mrekullueshme të peizazhit shqiptar si dhe tingujt e muzikës shqiptare.

Ekspozita, shënon, në radhë të parë, një sukses për artistin shqiptar, por dhe një imazh pozitiv për artin bashkëkohor shqiptar. Bashkëpunimi me institucionet më të rëndësishme të artit rumun dhe ekspozimi në galerinë më të rëndësishme në Bukuresht, e bëjnë këtë ekspozitë një ngjarje të shënuar artistike.





Lajmet e fundit nga