E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bylykbashi kërkon dialog me mazhorancën/ Vettingu në politikë, legjitim

14 Dhjetor 2018, 13:34, Aktualitet CNA

Deputeti i Partisë Demokratike, Oerd Bylykbashi, pas publikimit të opinionit përfundimtar të Komisionit të Venecias në lidhje me Vettingun në politikë, i ka drejtuar një mesazh mazhorancës.

Në një deklaratë për mediat, Bylykbashi e cilëson si legjitime kërkesën për Vettingun në politikë, ndërsa thekson se edhe Komisioni i Venencias e miratoi propozimin e PD.

?Sot Komisioni i Venecias miratoi opinionin përfundimtar për propozimin e PD, për vetingun e lidhjeve kriminale midis politikës dhe krimit të organizuar. Dokumenti është një guidë e shkëlqyer për Parlamentin Shqiptar, për të miratuar në mënyrë përfundimtare amendamentet kushtetuese dhe një ligj të detajuar për largimin e politikanëve të lidhur me krimin.?-tha Bylykbashi.

Më tej, deputeti demokrat deklaroi se në mbledhjen e Komisionit të Venecias, u bënë disa propozime nga Komisioni i Ligjeve të këtij Komisioni, të mbështetura plotësisht edhe nga PD, të cilët theksojnë edhe më tepër nevojën për të ndërhyrë dhe për të kufizuar praninë në institucionet demokratike të personave të lidhur me krimin e organizuar.

Gjithashtu Bylykbashi i ka bërë thirrje mazhorancës të ulen dhe të zhvillojnë një dialog konstruktiv në lidhje me këtë çështje.

?Komisioni i Venecias, edhe pse një javë pasi mazhoranca rrëzoi propozimet e Partisë Demokratike, përsëri konfirmon qendrimin e tij se qëllimi i Partisë Demokratike dhe opozitës shqiptare për vetingun në politikë është absolutisht legjitim.

Duke konsideruar shkallën e lartë të problemit në Shqipëri, i bën thirrje përsëri mazhorancës për dialog konstruktiv me opozitën, për t?i dhënë një zgjidhje përfundimtare në parlament, nëpërmjet miratimit të amendamenteve dhe të ligjit, dhe qëndron i gatshëm për të asistuar parlamentin shqiptar në përfundimin e kësaj çështjeje kaq të rëndësishme dhe qëllimi kaq legjitim.?-u shpreh Bylykbashi./CNA.al