E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bojkot kombëtar/ Studentët e rretheve nisen drejt Tiranës

11 Dhjetor 2018, 07:53, Aktualitet CNA

Prej tetë ditësh studentët e universiteteve publike vijojnë të protestojnë para Ministrisë së Arsimit. Ata paralajmërojnë se nuk do të tërhiqen deri në plotësimin e të gjitha kërkesave të tyre.

Studentët kanë paralajmëruar se sot tubimi para MAS do të jetë masiv, ndërsa theksohet se afati i fundit për plotësimin e kërkesave të tyre është sot në orën 16:00, në të kundërt kërcënojnë me grevë urie.

Ndërkohë, mësimi është bojkotuar sot jo vetëm në fakultetet e Tiranës, por edhe në rrethe.

Mësohet se studentët nga Korça, Elbasani, Durrësi, Shkodra, Gjirokastra dhe Vlora kanë bojkotuar mësimin dhe janë nisur drejt Tiranës për t?ju bashkuar tubimit masiv para Ministrisë së Arsimit.

Gjithashtu mësohet se protestës do ti bashkohen edhe gjimnazistë të kryeqytetit, si dhe qytetarë. Kjo pritet të jetë protesta më masive në Shqipëri prej 28 vitesh.

Në një letër e cila u është drejtuar Kuvendit, Kryeministrit, Ministres së Arsimit, Universiteteve Publike, studentët që protesojnë që prej 7 ditësh parashtrojnë këto 8 kërkesa:

1-Rritja e buxhetit me 5 % e GDP me qëllim mundësimin e përgjysmimit të tarifës së studimit për çdo nivel studimi, përmirësimin e mësimdhënies dhe infrastrukturës, Universitet/konvikt.
2-Transparencë me buxhetin nga Ministria e Arsimit, Sportit dhe Rinisë dhe IAL-ve, publikimi i të gjitha shpenzimeve online.
3-Rritja nga 10 % në 50 % e peshës totale të votës së studentëve për të zgjedhur kandidatët për dekan, rektor dhe çdo fakultet të ketë një përfaqësues të studentëve në senatin akademik.
4-Rishikim i titujve akademikë dhe verifikimi i plagjiaturave të doktoraturave dhe teksteve mësimore.
5-Mbështetur në nenin 99 mbi Këshillet e Studentëve, Ligji i Arsimit të lartë, pika 2 kërkojmë që Bordi i Administrimit të IAL-ve të ketë numër të barabartë votash si nga MASR dhe IAL-të si dhe të shtohen një përfaqësues në këtë bord nga studentët.
6- Pajisja e të gjithë studentëve me Kartën e Studentit brenda vitit akademik 2018-2019 (të ndiqen nga bashkitë përkatëse)
7-Ndërtimi i një biblioteke me standarde Europiane dhe me libër universitar online, falas për studentët në gjuhën shqipe.
8-Vlerësim i perfomancës në mësimdhënie dhe kërkim shkencor i pedagogut, publikim i tij, online dhe regjistrimi i leksioneve.