web counter
LEXO PA REKLAMA!

SHKARKO APP

App Store
Google Play

“Punonjësit e Kamzës goditën Nikollën”/ Mziu i përgjigjet Ramës

10 Dhjetor 2018, 17:55, Aktualitet CNA

Kryetari i Bashkisë së Kamzës, Xhelal Mziu, ka reaguar pas akuzave se punonjësit e Ndërmarrjes Ujësjellës-Kanalizime, por edhe ata të Bashkisë Kamëz, kanë goditur ministren e Arsimit, Lindita Nikolla.

Në një postim në rrjetet sociale, kryebashkiaku i Kamzës shkruan se kryeministri Edi Rama mendon se vetëm kjo Bashki proteston kundër tij, por e vërteta është shumë ndryshe.

?Edi Rama dhe anëtarët e organizatës ?Rilindje? sa herë ndihen ngushtë, rreken të përmendin Kamzën. Kuptohet, kanë frikë, ndihen në panik dhe kërkojnë të aludojnë me faktin se veç Kamza proteston kundër tij. Por e vërteta është krejt ndryshe! Shqipëria sot është e gjitha në protestë. Janë qytetarët e Unazës së Re, të Shkodrës, Lezhës, Shkozës, janë minatorët, studentët etj., të gjithë nuk e duan më qeverinë dhe këtë Kryeministër. Kamza, Edi Ramës i del në ëndërr, i është kthyer në makth, nuk ka mundur kurrë t?i mashtrojë dhe të gjunjëzojë ata banorë dhe drejtuesit e zgjedhur prej tyre.?- shkruan ai.

Mziu shkruan se ashtu si ministri Damian Gjiknuri për protestat e Unazës së Re, edhe Rama për protestën e studentëve, ku u qëllua ministrja Lindita Nikolla, fajësojn banorët e Kamzës.

?Të gjendur ngushtë nga revolta qytetare në disa drejtime, sikundër zari i tij, kampion i korrupsionit Damian Gjiknuri, akuzoi padrejtësisht banorët e Kamzës se na qenkan protestues tek Unaza e Re, sot të njëjtën gjë bëri edhe kreu i organizatës ?Rilindje?, Rama, i cili duke mos ditur të japë asnjë zgjidhje për studentët, duke mos u pranuar prej tyre, sërish na nxori si shqetësim faktin se ministren më të paaftë dhe të korruptuar, Lindita Nikollën, na e paskan gjuajtur punonjësit e Ujësjellës-Kanalizimeve Kamëz.?-vijon ai.

Sipas kryetarit të Kamzës kryeministri është verbuar dhe për çdo gjë fajëson banorët e Kamzës.

?Rama është verbuar. Nuk di çfarë flet më, e ka humbur toruan, duke qenë se ka protesta kudo dhe rezistente siç dinë ta bëjnë këtë banorët e Kamzës, Ramës i duken të gjithë nga Kamza.?- mbylll postimin në rrjetet sociale ai./CNA.al





Lajmet e fundit nga