web counter
LEXO PA REKLAMA!

SHKARKO APP

App Store
Google Play

E fundit!

x

Samiti Europian i Ballkanit Perëndimor/ Gjonaj flet për reformat

4 Dhjetor 2018, 18:22, Aktualitet CNA

Ministrja e Drejtësisë Etiada Gjonaj ka marrë pjesë në Samitin Evropian të Ballkanit Perëndimor 2018, ku tema e diskutimeve ka qenë ?Zgjerimi, Integrimi dhe sfidat e ndryshimeve.?

Gjatë fjalës së saj në këtë samit Gjonaj deklaroi se Shqipëria është e vendosur në rrugën e saj drejt reformave.

?Qeveria Shqiptare është e vendosur për të vijuar në rrugën e reformave të ndërmarra në funksion të forcimit të shtetit ligjor dhe mbështetja e BE përmes çeljes së negociatave do të ndihmojë për t?i çuar ato përpara.?- tha ministrja e Drejtësisë.

Samiti, i cili u mbajt në Bruksel, është organizuar nga ?Friends of Europe? në bashkëpunim me Progamin e Kombeve të Bashkuara për Zhvillim (UNDP) dhe Komisioni Evropian, për të diskutuar mbi sfidat, idetë dhe shqetësimet e vendeve të rajonit në kuadër të procesit të integrimit europian.

Ndërkohë Reforma në Drejtësi që vendi ynë është duke zbatuar, ka marrë vlerësime pozitive gjatë samitit duke u konsideruar si një model i suksesshëm edhe për vendet e tjera të rajonit.

Drejtori i Përgjithshëm për Zgjerimin në Komisionin Evropian, Christian Danielsso, tha se në Balkan ka shumë sfida, por ka edhe ndryshime e evoluime.

Sipas tij reforma në drejtësi dhe luftën ndaj korrupsionit që po ecën fort në Shqipëri është një shembull i mirë edhe për vendet e tjera.

Gjatë fjalës së saj ministrja e Drejtësisë, Etilda Gjonaj, ka theksuar se Shqipëria ka bërë përpjekje të mëdha për të forcuar sundimin e ligjit përmes reformave të thella.

?Reforma në Drejtësi po jep rezultate të prekshme për qytetarët, ku Vetingu po mundëson pastrimin e pallatit të drejtësisë nga gjyqtarët dhe prokurorët e korruptuar. 31 gjyqtarë dhe prokurorë të shkarkuar, 35 të tjerë të konfirmuar në detyrë dhe 15 që kanë dhënë dorëheqjen për të mos iu nënshtruar Vetingut, janë tashmë dëshmia më e mirë se zbatimi i reformës në drejtësi po jep rezultate konkrete?- u shpreh Gjonaj.

Duke falenderuar partnerët ndërkombëtarë për bashkëpunimin e deritanishëm, Gjonaj ka theksuar se mbështetja politike e Bashkimit Europian është shumë e rëndësishme për vazhdimësinë e Reformave në Shqipëri.

?Me këtë mbështetje reformat do të ecin më shpejt dhe kjo është arsyeja që është shumë e rëndesishme të fillohet me hapjen e negocitave në vijim dhe të kemi këtë vendim pozitiv nga Këshilli. Shqipëria tashmë ka filluar punën teknike për procesin e screening për dy kapitujt 23-24?- tha ministrja./CNA.al





Lajmet e fundit nga