Trondit Mustafa Nano/ Ja çfarë thotë për origjinën e Skëndërbeut

4 Dhjetor 2018, 14:30, Aktualitet CNA

Në librin e tij më të fundit ?Provocateur?, ndërtuar në formën e një interviste me vetveten, publicist Mustafa Nano i rikthehet origjinës së nënës së Skënderbeut dhe të vetë heroit kombëtar.

?Dhe unë vijoj t?i qëndroj atij mendimi. Nëna e Skënderbeut ka qenë me origjinë serbe, ose, që t?i afrohemi ?bombës? ngadalë-ngadalë, le të themi që ajo ka qenë sllave.

Dhe kjo është një gjë që dokumentohet?, shkruan Nano.

?Çështja është që u bë much ado about nothing. Unë u kapa në befasi kur nisi debati. U kapa në befasi për faktin që shumë njerëz u tronditën që dikush doli me pretendimin se nëna e Skënderbeut ishte me origjinë sllave. Nuk duhej të tronditeshin? Përse duhej të tronditeshin? Në fundin e Mesjetës, madje edhe më vonë, identiteti etnik nuk kishte rëndësinë që ne i atribuojmë sot atij kombëtar. Martesat etnikisht të përziera në shekullin XIV ishin një gjë krejt e zakonshme. Në këtë kuadër, edhe martesat mes shqiptarëve e sllavëve në përgjithësi apo serbëve në veçanti, ishin një gjë që ndodhnin shumë shpesh.?-shkruan Nano.

Më tej, Mustafa Nano në vijim të tezës së tij shkruan ?Ju kujtohen emrat e vëllezërve e motrave të tij? Jua risjell unë në mendje: vëllezërit quheshin Reposh, Stanisha, Konstantin, Gjergj (Skënderbeu). Ndërsa motrat quheshin Mara, Jella, Angjelina, Vllaica e Mamica. Siç shihet, një pjesë e emrave janë sllavë: Vllaica, Mamica, Stanisha. Ecim më tutje. I biri i Skënderbeut, me emrin Gjon, mori për grua Jerina Paleologen, që ish bijë e Llazarit, despotit të Serbisë (shih Historia della casa Musachia të Gjon Muzakës në librin e Charles Hopf-it, Chroniques greco-romanés, faqja 28, apo të përkthyer në shqip në librin e Pëllumb Xhufit nga Paleologët te Muzakajt, faqja 432).?

Gjithashtu Mustafa Nano shkruan se edhe e motra e Skënderbeut, Maria (siç e quan Gjon Muzaka në shënimet e veta) apo Mara (siç e quan Marin Barleti), u martua me Stefan Cernojeviqin (shih në faqen 447 të librit të Xhufit, ose në faqen 295 të librit të Charles Hopf-it).

?Siç shihet, Kastriotët i kanë pasur shumë për zemër martesat me serbë e sllavë. Ka më. Jetëshkrimi i derës së Muzakajve që sapo e përmenda, është përveç të tjerash edhe një lloj zyre e gjendjes civile e fisnikërisë shqiptare të shekujve XIV, XV, XVI dhe një lexuesi të tij, sado i pakujdesshëm të jetë, nuk mund t?i shpëtojë fakti që familjet e fisnikëve shqiptarë (Muzakajt, Komnenët, Dukagjinët, Topiajt, Kastriotët, Gropajt, Balshajt etj.) i parapëlqenin shumë krushqitë me njëra-tjetrën, por në të njëjtën kohë s?e kishin për gjë të martonin pjellën e tyre me malazezë, serbë, bullgarë, raguzanë, venecianë, napoletanë, hungarezë, deri edhe francezë etj.?-shkruan ndër të tjera Mustafa Nano.