web counter
LEXO PA REKLAMA!

SHKARKO APP

App Store
Google Play

E fundit!

x

Nga terrorizmi te lidhja me shërbimet sekrete/ Historiani “zbërthen” Ramën

27 Nëntor 2018, 10:24, Aktualitet CNA

Historiani Kastriot Dervishi ka zbërthyer deklaratat që kryeministri Edi Rama, ka bërë mbrëmjen e kaluar përballë Tomor Alizotit.

Përmes një statusi në rrjetet sociale, Dervishi thekson se ?Është ndoshta i veçantë në botë, që argumentin politik e historik e mbështet te filmat agjitativë që gatuheshin në Drejtorinë e Agjitacionit e Propagandës në Komitetin Qendror të Partisë së Punës.?.

Historiani bën zbërthimin e filmave që citoi mbrëmë Rama, ku rezulton se njëri prej tyre flet për terrorizmin dhe tjetri për shërbimet sekrete italiane

Sipas tij, ?Frymëzimi i kryeministrit ishte filmi ?Njësiti gueril?, në të cilin aktet terroristëve të komunistëve gjatë luftës, tregohen si heroizma. Ludoviku i filmit nuk është me flokë me vijë në mes, por vetëm me xhaketë me katrorë. Kushedi me cilin film e ka ngatërruar Rama.?

“Pyetjes më se normale se a ishte këshilluar me qeverinë e Kosovës për taksën e rrugës së kombit, iu përgjigj me ngërdheshje, deformim pamor dhe me filma kinostudio. Iu drejtua Alizotit me fjalët e ai i ngjante personazhit të Ludovikut ?me flokë me vijë në mes e me xhaketë me kuadrata?. Frymëzimi i kryeministrit ishte filmi ?Njësiti gueril?, në të cilin aktet terroristëve të komunistëve gjatë luftës, tregohen si heroizma. Ludoviku i filmit nuk është me flokë me vijë në mes, por vetëm me xhaketë me katrorë. Kushedi me cilin film e ka ngatërruar Rama. Ndërsa për katrorët, Rama ka të drejtë sepse në të gjithë filmat e kinostudios, elementi borgjez ashtu paraqitej, në përputhje me modën e kohës, sepse komunistët shfaqen të arnuar.”-shkruan Dervishi.

Postimi i plotë i Dervishit:

Kryeministri që flet me ?Njësitin gueril? dhe ?Ilegalët?

Në formimin politik të tij, kryeministri ynë është i frymëzuar nga filmat e kinostudios. Në shumë fjalime të tij, ai flet për personazhe të këtyre filmave, për ballistët e Mit?hat Frashërit që vetëm ?shqyejnë pula? dhe për partizanët (e Miladit e Dushanit) që janë trima, etj. Është ndoshta i veçantë në botë, që argumentin politik e historik e mbështet te filmat agjitativë që gatuheshin në Drejtorinë e Agjitacionit e Propagandës në Komitetin Qendror të Partisë së Punës. Mbrëmjen e djeshme e shfaqi sërish këtë gjë, kundrejt një ?armiku klase?, Tomor Alizotit.

Pyetjes më se normale se a ishte këshilluar me qeverinë e Kosovës për taksën e rrugës së kombit, iu përgjigj me ngërdheshje, deformim pamor dhe me filma kinostudio. Iu drejtua Alizotit me fjalët e ai i ngjante personazhit të Ludovikut ?me flokë me vijë në mes e me xhaketë me kuadrata?. Frymëzimi i kryeministrit ishte filmi ?Njësiti gueril?, në të cilin aktet terroristëve të komunistëve gjatë luftës, tregohen si heroizma. Ludoviku i filmit nuk është me flokë me vijë në mes, por vetëm me xhaketë me katrorë. Kushedi me cilin film e ka ngatërruar Rama. Ndërsa për katrorët, Rama ka të drejtë sepse në të gjithë filmat e kinostudios, elementi borgjez ashtu paraqitej, në përputhje me modën e kohës, sepse komunistët shfaqen të arnuar.

Në film, Ludoviku, si bir tregtari i vogël, shfaqet i lëkundur për luftën, sepse sipas logjikës së skenarit, varfanjakët, të këputurit, të papronët, brekëgrisurit, etj, e donin Shqipërinë dhe kishin ideal më shumë se njerëzit e shkolluar. Sikur të mos ndalte deri këtu, kryeministri kaloi te një film tjetër, ndër më qesharakët e kohës së komunizmit, ?Ilegalët?, duke thënë shprehjen ?Gëlltit një lugë çorbë të prishur, e gëlltit tërë jetën pastaj?. Sipas këtij filmi, SIMI (shërbimi sekret italian i ushtrisë) kishte dërguar me mision një oficer të tij që kamuflohej si sipërmarrës ndërtimi. Ky italiani (Tosti) kishte ngritur një rezidenturë agjenturore, ku bënte pjesë edhe spiun Xhevati.

Synimi gjoja ishte të zbulonte njësitet guerile të qytetit. Skenaristi i filmit në fjalë nuk njeh as faktin se me këto çështje merrej një shërbim sekret si OVRA e jo SIMI që ishte për çështje ushtarake. Nejse. Sipas filmit, gjeneral Xaninin me shkollë spiunazhi dhe Tostin e zbuloi një celulë komuniste e përbërë nga peshkatarë të paarsimuar e që vetëm sardelen njihnin më shumë se çdo gjë në jetë. Peshkatarët merrnin vesh e dinin më shumë nga ana agjenturale operative se ata që kishin bërë shkollë.

Bashkëlidhur, fotoja e Ludovikut të filmit, sigurisht “pa vijë në mes të flokëve”.





Lajmet e fundit nga