web counter
LEXO PA REKLAMA!

SHKARKO APP

App Store
Google Play

E fundit!

x

I thyen gishtat 18-vjeçarit/ Ish-ministri i Ramës kërkon arrestimin e policëve

27 Nëntor 2018, 09:27, Aktualitet CNA

Ish-ministri i Drejtësisë Ylli Manjani ka kërkuar arrestimin e policëve që sipas tij dhunuan 18-vjeçarin Daniel Drobaj, i cili akuzohet për plagosjen e efektives Ina Nuka.

Me anë të një postimi në rrjetet sociale, Manjani shkruan se si konventa europiane e të drejtave të njeriut ashtu dhe Kushtetuta e Shqipërisë ndalojnë torturën.

?Neni 3 i Konventës Europiane të të drejtave të njeriut;

Neni 25 i Kushtetutës së Republikës;

Nenet 86 dhe 87 të Kodit Penal;

Ndalojnë dhe dënojnë Torturën nga përfaqësuesit e Shtetit!!!!

Thyerja e gishtave si ndëshkim hakmarrës të 18-vjeçarit, është torturë dhe trajtim çnjerëzor. Pa asnjë dyshim!?- shkruan ai.

Ndaj sipas ish-ministrit nëse këtij shteti i ka mbetur pak respekt për demokracinë duhet që të arrestojë policët që kryen krimin e torturës ndaj 18-vjeçarit për të shmangur hakmarrjen nesër.

?Nëse dikujt në këtë palo shtet i ka mbetë ende sapo pak respekt për demokracinë dhe sundimin e ligjit, duhet që sa më parë të arrestojë ata polic që kryen krimin e Torturës!

Duhet ta bëjë shteti sot, që të mos e bëjë hakmarrja nesër!?-mbyll postimin e tij Manjani./CNA.al





Lajmet e fundit nga