web counter
LEXO PA REKLAMA!

SHKARKO APP

App Store
Google Play

E fundit!

x

“Çmendet” Rama/ Ofendon live Haradinajn?

26 Nëntor 2018, 11:26, Aktualitet CNA

Kryeministri Rama pas mbledhjes së përbashkët të qeverive të Kosovës dhe Serbisë në Pejë, ka zhvilluar një konferencë të përbashkët për shtyp me kryeministrin e Kosovës, Ramush Haradinaj.

Gjatë kësaj konference, ndër të tjera Rama është pyetur nga gazetarët edhe në lidhje me propozimin për korrigjim të kufijve mes Kosovës dhe Serbisë.

?Të shohim të ardhmen në mënyrë të qartë. Sot duhet të ndajmë shapin nga sheqeri. Për mua asgjë nuk duhet përjashtuar dhe gjithçka duhet parë me sytë e të ardhmes dhe me një sy të vetëm: Shqiptarët nuk duhet jenë të ndarë. Ata duhen të bashkohen si një komb me dy shtete që dëshirojnë të jetojnë pa kufij mes njëri- tjetrit. Hashim Thaçi është presidenti i Kosovës dhe komandanti i Ushtrisë së Kosovës. Kush thotë se Thaçi është tradhtar është një gomar.?-tha Rama.

Por, kujtojmë këtu se edhe kryeministri Haradinaj më parë në deklarata mediatike e ka cilësuar si akt tradhëtie idenë e Thaçit për një korrigjim të mundshëm të kufijve mes Kosovës dhe Serbisë.

Pak kohë më parë, Haradinaj është shprehur ?Diskutimi për lëvizje të territorit është tradhti kombëtare. Si e tillë dënohet në çdo vend edhe nga populli edhe nga ligji. Nuk e ka askush të drejtën dhe kushdo që flet është në kufi të tradhtisë kombëtare. Lëvizja ndaj territorit ekzistues të vendit, apo operim ndaj  territorit ekzistues të vendit, apo veprim kundër territorit ku jemi shpallur të pavarur është tradhti?, ka deklaruar Haradinaj./ CNA.al





Lajmet e fundit nga