web counter
LEXO PA REKLAMA!

SHKARKO APP

App Store
Google Play

Rebelimi i pedagogut kundër elitës së Bashës

22 Nëntor 2018, 14:24, Aktualitet CNA

Sot opozita zhvilloi një takim, ku prezantoi kritikat e saj për buxhetin e vitit 2019, jashtë sallës së parlamentit.

Por përtej akuzave të përsëritura dhe fjalës plot brumë të Dashamir Shehit, në sallë pati një incident.

Sapo është ngritur të flasë për varfërinë Grida Duma, pedagogu dhe analisti thelbësisht i djathtë Agron Gjekmarkaj është ngritur dhe ka braktisur sallën pa dhënë sqarime dhe saktësuar se iku në shenjë proteste apo përbuzjeje.

Akti i Gjekmarkajt është një leksion i madh për Lulzim Bashën, por tregon edhe revoltën e intelektualëve kundër një elitë të pavlerë dhe thuajse të pështirë servirur tek shqiptarët nga kreu i PD.

Grida Duma po kap majat e drejtimit të opozitës megjithëse e mbuluar me skandale, që nuk i vijnë nga opozita, por nga vetë historia e saj përpara politikës dhe pjesa e angazhimit në PD.

Reagimi i Gjekmarkajt është në fakt edhe rebelim ndaj një fasade të pavlerë që nuk i vlen askujt, që është thjeshtë dhe vetëm në shërbim të Lulzim Bashës për të ngritur emrin e tij si Lider (që në fakt nuk u bë kurrë) dhe për të lëshuar këta pseudo intelektualë dhe pseudo elitë të përballen me kundërshtitë në PD apo të zbatojnë një linjë politike të zgjedhur dhe vendosur jashtë selisë së PD dhe pranë famijes së kryetarit Basha.

Në fakt që PD të rritet dhe të ndryshojë, atë rebelim duhet ta bëjnë edhe shumë deputetë të PD, në rast se ende ka ngleur dikush në atë grup që ka një fije dinjiteti dhe morali ndaj demokratëve dhe publikut./ CNA.al

Revoltohet profesori i njohur/ Braktis takimin e Bashës kur merr fjalen Grida





Lajmet e fundit nga