E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Protesta para Kuvendit/ Balla-Bashës: Ke interesat e tua dhe të vjehrrit

22 Nëntor 2018, 15:50, Aktualitet CNA

Kreu i Grupit të PS-së, Taulant Balla ka reaguar pas protestës së banorëve të Astirit përpara Kuvendit, në të cilën pati përplasje midis mes protestuesve dhe policisë.

Balla nga foltorja e Parlamentit i ka uruar shërim të shpejtë, punonjëses së policisë u plagos gjatë protestës së banorëve të Unazës së Re.

Ndër të tjera gjatë fjalës së tij kreu i Grupit të socialistëve, foli edhe për kreun e Partisë Demokratike, Lulzim Bashën.

Ai tha se Basha nuk mund të përfaqësojë interesant e personave që kërkojnë dëmshpërblime, pasi në këtë protestë sipas Ballës kryedemokrati përfaqëson interesat e veta dhe të vjehrrit të tij.

?Z.Kryetar, kërkova fjalën për të bërë një ndërhyrje në punimet normale të Kuvendit të Shqipërisë ku shqyrtohet buxheti. Thjesht për detyrimin moral të deputetëve të Grupit Parlamentar të Partisë Socialiste, për të shprehur të gjithë solidaritetin dhe urimet për shërim sa më të shpejtë të disa punonjësve të Policisë së Shtetit, të cilët në ushtrimin korrekt të detyrës së tyre janë plagosur nga dhuna e pashoq, ?në emër të ligjshmërisë?, e disa personave për të cilët Forca e Ligjit duhet të jetëndëshkuese, për të mos lënë më asnjë hapësirë ri-përsëritje të këtij fenomeni të turpshëm, ku një vajzë e re 24-vjeç, punonjëse e Policisë së Shtetit, ka humbur katër gishtat e njërës dorë dhe po merr trajtimin adekuat në Spitalin e Traumës.

Kjo pjesë e sallës jo vetëm që është bosh, por ka përdorur deputetë mercenarë për të frymëzuar dhunën kundër punonjësve të Policisë së Shtetit. Ky është një turp i radhës për Partinë Demokratike dhe Lëvizjen Socialiste për Integrim, që në vend që të ishin këtu për të diskutuar Buxhetin e Shtetit, në vend që të mbështesin një buxhet, i cili rrit pagat, rrit pensionet, heq taksat për imputet bujqësore, ndërton një sërë rrugësh, kanalizime të ujërave të zeza, ujësjellës, në pjesën më të mirë të territorit të vendit, bëhet bashkë me një grup zaptuesish emrat e të cilëve tashmë janë bërë publik nga

Kryeministri para pak orësh këtu në këtë foltore, të cilët në emër të zbatimit e të paligjshmërisë guxojnë të ngrenë dorën kundër ligjit, sikurse nuk e respektuan ligjin ditën që ?i zunë frymën? rrugës së Unazës së Tiranës.

Më lejoni që në emër të Grupit Parlamentar tu uroj shërim të shpejtë atyre punonjësve të Policisë së Shtetit që u lënduan. Shërim të shpejtë çdo qytetari të zakonshëm të gjendur rastësisht dhe shpërdoruar politikisht nga një opozitë, e cila është bërë si kukuvajkë që kudo që ka zhurmë shkon të bëhet pjesë e zhurmës, pa ditur pse është aty?, – vazhdoi ai.

Më tej Balla u shpreh ?personalisht, do t?i thoja Lulzim Bashës se: Ti Lulzim je i pari që nuk të takon të protestosh për dëmshpërblim, sepse atyre qytetarëve të thjeshtë duhet t?u tregosh se ti ke interesat e tua kur bëhet fjalë për dëmshpërblim, sepse ti dhe vjehrri yt, jeni ata persona që doni ti bëni presion qeverisë për t?u dëmshpërblyer për ndërtimet pa leje?.

?Nuk mund të jesh ti ai që del në krahun e atyre që duhen dëmshpërblyer. Për ne sot është e rëndësishme që t?u gjendemi pranë punonjësve të Policisë së Shtetit, të cilët meritojnë gjithë respektin për punën e nderuar që bëjnë çdo ditë për të garantuar sigurinë publike. Thirrja ime sot është ndaj Prokurorisë së Tiranës. Prokuroria e Tiranës duhet të fillojë menjëherë hetimet?, – nënvizoi ai.

Ndërsa në përfundim të fjalës së tij Taulant Balla tha se jeta e çdo punonjësi policie, shëndeti i çdo punonjësi policie është preokupim madhor./ CNA.al