web counter
LEXO PA REKLAMA!

SHKARKO APP

App Store
Google Play

85 mijë fëmijë kanë vdekur nga uria në Jemen/ Save the Children jep alarmin

21 Nëntor 2018, 17:47, Aktualitet CNA

Sipas organizatës  Save the Children, rreth 85 mijë fëmijë kanë vdekur nga uria në Jemen. Po ashtu kjo organizatë ka dhënë alarmin se 14 milionë persona të tjerë të cilët rrezikojnë të vdesin nga uria nëse lufta vazhdon më gjatë.

“Save the Children”, raporton se që nga viti 2015 në Jemen kanë vdekur  të paktën 84,700 fëmijë nga foshnja deri në 5 vjeç, mësohet se shkaku i vdekjes së tyre është kequshqyerja.

Tashmë vetëm dy spitale janë në funksion për shkak të luftës, por edhe këto të dyja janë të rrezikshme pasi ndodhen shumë afër zonës së luftimit.

? Për çdo fëmijë të vrarë nga plumbat, një duzinë tjetër është duke vdekur nga uria dhe kjo është totalisht e papranueshme,? u shpreh Tamer Kirolos, drejtuesi  i Save the Children në Jemen.

Ai shtoi se për shkak të luftimeve prindërit nuk po i dërgojnë dot fëmijët në spital në kohën e duhur dhe kjo bën që dëmet e kequshqyerjes tek këta të fundit  të jenë të pariparueshme.

Organizata bëri me dije se numri i vdekjeve është rritur ndjeshëm që pas bllokadës të vënë nga Arabia Saudite, e cila paralizoi vendin një vit më parë.

Luftimet kanë shkaktuar një nga krizat më të rënda humanitare të kohëve të fundit. Mbi 2/3 e popullsisë nuk kanë burime të mjaftueshme për të mbijetuar, sipas organizatës së Kombeve të Bashkuara rreth 400 mijë fëmijë rrezikojnë të vdesin nga uria nëse nuk merren masa për ndalimin e konfliktit./ CNA.al

 

 

 

 





Lajmet e fundit nga