E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Lufta për KLSH-në/ Kush është “asi në mëngë” i Ilir Metës

19 Nëntor 2018, 12:20, Aktualitet CNA

Kreut aktual të Kontrollit të Lartë të Shtetit, Bujar Leskaj i mbaron mandati më datë 22 dhjetor 2018 dhe Presidenti i Republikës, Ilir Meta, ka shpallur garën për të propozuar emrin e ri që do të drejtojë këtë institucion.

CNA.al (City News Albania) raportoi e para listën e plotë, ku në sy bien mjaft emra të njohur nga politika, por edhe juristë dhe ekonomistë.

Ilir Meta me një lëvizje “taktike” në momentin që refuzoi dekretimin e Sandër Lleshit në krye të ministrisë së Brendshme, propozoi Gjyqtaren e Gjykatës Kushtetuese, Vitore Tushën, që të marrë drejtimin e KLSH-së.

Vitore Tusha parimisht duket kandidaturë e pranueshme, nga PS, por si argument është sjellë fakti se ajo është zgjedhur në pjesën e strukturave drejtuese të gjyqësorit dhe kalimi i saj në krye të KLSH-së do të sillte probleme e vonesa në Reformën në Drejtësi.

Mesa duket socialistët e kanë vendosur qëndrimin e tyre dhe do ta rrëzojnë propozimin e Presidentit, por kuptohet që Ilir Meta ka një tjetër ?as nën mëngë? dhe Vitore Tusha është një emër i hedhur për të treguar një standard të lartë nga ana e kreut të shtetit.

Njeriu i preferuar i Metës është Bahri Shaqiri, ish-kreu i SHISH, i cili është edhe këshilltari i tij në Presidencë, që duket të jetë edhe ?asi nën mëngë?, por një emër tjetër duket të jetë edhe Anastas Angjeli.

Në fakt në 27 vite demokraci, pavarësisht sesi janë etiketuar, Kontrolli i Lartë i Shtetit nga viti ?91 është drejtuar nga opozita, nga Partia Demokratike, dikur nga Republikanët, sido që janë quajtur kryetarët.

Nëse do të emërohej Anastas Angjeli, ky do të ishte rasti i parë kur socialistët, në mënyrë të drejtpërdrejtë, merrnin kreun e KLSH-së. Por në rast se do të zgjidhej Bahri Shaqiri, dhe Ilir Metën do ta konsiderojmë opozitë, pasi LSI-ja, partia që ai themeloi dhe që tashmë drejtohet nga bashkëshortja e tij, është në opozitë, atëherë do të kemi sërish një kandidat, i cili do jetë i opozitës. Pra, 70% i Ilir Metës dhe 30% i Edi Ramës./ CNA.al

Lista e plotë-Zbulohen 30 kandidatët për kreun e KLSH/ Nuk mungojnë deputetë dhe prokurorë

Gara për drejtimin e KLSH-së/ Cili është emri që ka propozuar Meta

Presidenca bën publik kandidatët për kreun e KLSH/ Konfirmohet lista e CNA.al, shtohen dhe 4 emra