web counter
LEXO PA REKLAMA!

SHKARKO APP

App Store
Google Play

E fundit!

x

PD-ja që kemi

18 Nëntor 2018, 13:06, Aktualitet CNA

PD-ja është forca më e madhe opozitare në vend, megjithëse e rrudhosur dhe nën zvogëlim të pandalshëm, që më marrjen e drejtimit nga Lulzim Basha.

Por cila është PD-ja që ne kemi sot vërtet, pra cila është situata dhe kush janë rrymat apo grupet që ekzistojnë brenda kësaj force.

Së pari është PD-ja e madhe, ajo e demokratëve dhe e militantëve, ajo e atyre që e ?dashurojnë? dhe janë tifozë të pandashëm nga ajo sigël. Megjithëse më e madhja kjo është PD-ja më pa peshë, që nuk pyetet kurrë, që përdoret dhe keq përdoret pa ndaluar, prandaj dhe është zvogëluar këto 28 vite pluralizëm politik.

PD-ja e dytë është PD-ja e Sali Berishës, ku përfshihen edhe një pjesë e këtyre militantëve më lart, ata që quhen Berishtas, por edhe vetë një PD tjetër që do e sjellim më poshtë si pjesa e katërt.

PD-ja e tretë është ajo e kritikëve të Bashës,  që janë me siglën dhe logon zyrtare por jo me kryetarin. Kritikët janë më shumë se një pjesë, janë ata që flasin vetëm për Berishën dhe besojnë se ai nuk ka faj, janë ata që thonë se gjithçka e bën Saliu dhe ata që shikojnë ?ëndrra? me Amerikën që do çlirojë PD-në nga Basha dhe familja e tij.

Është edhe PD-ja e servilëve si kudo, që për pak karrierë në parti sot dhe me ëndrra qeverisëse nesër  janë plot, por këta shkrihen shpesh sa në Luli, në Berisha, në Rama, në Meta e kudo. Është edhe segmenti i qokave dhe budallenjve me mandat, por këta nuk quhen rryma apo linjë e PD.

PD-ja e katërt është PD-ja e Lulzim Bashës. Një segment i vogël por pak kompleks. Disa thonë që kjo është PD-ja e kunatit, gruas së Lulit dhe një sekti servilësh që po shkatërrojnë PD-në e vërtetë që zorr se e gjejmë diku. Sado të vërteta këto, kjo është PD-ja zyrtarëve, që ka kryetar Lulzimin me vulë në dorë, që e ka vendosur doktor Berisha, PD-ja që ka ndarë militantët dhe përçan drejtuesit.

Kjo është PD-ja që kërkon lider dhe po vuan prej Lulit, që nuk çeli kurrë megjithëse vaditjen apo pesticidet e përdorura.

Dikush që nuk gjen veten në këto rryma nuk është në PD./Elvi FUNDO-CNA.al

 





Lajmet e fundit nga