web counter
LEXO PA REKLAMA!

SHKARKO APP

App Store
Google Play

Thirrja e fortë e ish-kreut të PD-së/ Protesta për largimin e Bashës

17 Nëntor 2018, 12:49, Aktualitet CNA

Ish-kryetari i degës së Partisë Demokratike në Kukës, Ibsen Elezi ka hedhur akuza të forta sot në drejtim të kreut aktual të kësaj partie, Lulzim Basha.

I ftuar në FAX News, Elezi tha se Lulzim Basha nuk ka bërë asgjë tjetër veçse ka shkatërruar çdo proçes demokratik brenda kësaj partie si dhe ka dëbuar ata që vërtetë kanë kontribuar në këtë parti.

“Lista e PD sot është një konglomerat, ku vetëm qarkullim elitash nuk është , mund të marrësh njerëz nga shoqëria civile, por jo ato që mbështesin kauza të homoseksualizmit, që s?ka lidhje me PD-në dhe konservatorizmin. Duhet të marrësh njerëz që janë të spikatur, jo ata që s?kanë lidhje me PD-në. Panorama e PD-së është është e dobët, nuk ngjall besim, duhet ndryshuar kjo panoramë?, tha Elezi.

Më tej, ai theksoi se që të largohet Rama, duhet që të largohet më parë Basha, i cili sipas tij vijon të mbajë Ramën në pushtet.

?Ka shumë demokratë që na mbështesin, njerëz të rezistencës dhe me kontribute që nuk duan të shohin shkatërrimin e PD-së. Basha lë të djegë mandatet dhe të dalë të protestojë bashkë me qytetarët, për të thënë se ne jemi qytetarë të thjeshtë si ju.?-tha ndër të tjera Elezi.

Më tej, ai tha se në grupin parlamentar të PD-së ka njerëz të cilët nuk kanë asnjë lidhje me këtë parti, një pjesë janë vënë nga Soros dhe një pjesë tjetër nga LGBT.

?Grupi i sotëm parlamentar ka njerëz të cilët nuk kanë lidhje me PD, një pjesë nga Soros. Unë kam dhënë kontribute bashkë me familjen dhe ndërkohë shoh që ka të drejtë vote brenda partisë time, ai që ka numëruar votat e partisë kundërshtare?-deklaroi Ibsen Elezi.

“Ne po i themi Lulzim Bashës që më 8 dhjetor të rrëzojmë Edi Ramën, ne po i themi vazhdo me aksionin politik dhe lëri fjalët. Në këndvështrimin e qytetarëve PD nuk aspiron gjë. Kjo lëvizje këtë ka, u bën thirrje demokratëve për rezistencë. Këtë problem nuk e zgjidhim brenda forumeve se nuk ka forume?, theksoi Ibsen Elezi./ CNA.al





Lajmet e fundit nga