web counter
LEXO PA REKLAMA!

SHKARKO APP

App Store
Google Play

“Shpërdorim detyre dhe kontrabandë”/ Arrestohen 9 persona, mes tyre edhe 5 doganjerë

17 Nëntor 2018, 12:35, Aktualitet CNA

Nëntë persona, mes të cilëve edhe 5 punonjës në Doganën e Qafë-Thanës janë vënë në pranga, pasi akuzohen për shpërdorim të detyrës.

Gjithashtu janë sekuestruar edhe 2100 goma të përdoruara, të dyshuara si kontrabandë.

Sipas uniformave blu, në pranga kanë rënë shtetasit:

“Arrestimi i shtetasve të mësipërm, u krye pasi, në bashkëpunim me njëri-tjetrin, dyshohet se kanë bërë të mundur futjen kontrabandë të një kamioni me rreth 2100 goma të përdoruara, nëpërmjet Pikës së Kalimit Kufitar Qafë-Thanë, të ngarkuara në mjetin tip kamion me drejtues shtetasin Stojmir Treneski, i cili u ndalua mbrëmjen e djeshme, nga shërbimet e policisë në aksin rrugor Pogradec-Maliq, pranë fshatit Sovjan, teksa po tentonte të shkarkonte mallin e kontrabanduar, në magazinën e Petraq Dimkos.

Në vijim të veprimeve proceduriale, u bë sekuestrimi i kamionit që transportonte mallin kontrabandë së bashku me mallin (rreth 2100 goma të përdorura).

Vijojnë hetimet për të dokumentuar veprimtarinë e personave të tjerë që mund të jenë implikuar në këtë linjë kontrabandimi.”-thuhet në njoftimin e policisë./ CNA.al





Lajmet e fundit nga