E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

“Nuk ka shpëtim”/ Vangjush Dakos i tunden prangat?

16 Nëntor 2018, 11:07, Aktualitet CNA

Partia Demokratike vijon të hedhë akuza të forta në drejtim të kryebashkiakut të Durrësit, Vangjush Dako.

Në një deklaratë për mediat, deputetja e PD, Orjola Pampuri është shprehur se nuk ka shpëtim për Vangjush Dakon, i cili sipas saj do të arrestohet për krimin e blerjes së votave me bandat.

Deputetja demokrate tha se në shkëmbim të votave të blera për pushtetin ilegjitim të Edi Ramës, Vangjush Dako u dorëzoi bandave pasuritë e qytetit.

?Heshtja nuk do ta ndihmojë Vangjush Dakon! Vendi i tij është në burg, bashkë me bandën e Avdylajve, nën akuzë për trafik ndërkombëtar droge nga Amerika Latine në Europë.

Përgjimet zyrtare të dosjes 339 nuk i lënë rrugë tjetër mikut të bandës së Avdylajve. Vangjush Dako duhet të arrestohet!

Përgjimet telefonike provojnë qartë masakrën e zgjedhjeve nga bandat e krimit në Durrës, në këmbim të favoreve që kryebashkiaku u ka bërë me paratë e taksapaguesve dhe pashritë e bashkisë së Durrësit!?-tha Pampuri.

Më tej, ajo deklaroi se Vangjush Dako është simbol i pushtetit të blerë me paratë e drogës së krimit të organizuar dhe se ai nuk e ka vendin në zyrën e kryebashkiakut të Durrësit, por pas hekurave, si i kreu i shtabit kriminal të vjedhjes, blerjes dhe deformimit të zgjedhjeve në Qarkun e Durrësit.

Sipas Pampurit, ?Provat janë aty, në dosjen e pambyllur 339! Mjafton që prokurorë të guximshëm dhe të pakapur nga Edi Rama, të bëjnë detyrën!

Aq shumë prova ka për krimin elektoral dhe lidhjen me bandat kriminale të Vangush Dakos, sa nga dosja 339 janë zbardhur nga media tre biseda të kryebashkiakut të Durrësit, që provojnë se ai ka qenë në komunikim të vazhdueshëm më bandën para, pas dhe pas zgjedhjeve.?.

Gjithashru ajo renditi edhe një sërë faktesh, që sipas saj vërtetojnë lidhjet e Dakos me bandat, mes të cilave:

?Biseda e shkurtit 2017 me Altin Avdylaj, me nofkën Niçja, të cilit i premton një favor, e provon këtë.

Kryetari i Bashkisë së Durrësit, pasi ka blerë vota, bashkë me trafikantët ndërkombëtarë të drogës, komunikon sërish me Niçen për të falenderuar kreun e bandës, Astrit Avdylaj, dy ditë pas zgjedhjeve.

Nga përgjimet, shqiptarët kanë parë sesi banda e Avdylajve, një pjesë e të cilës është në burg për trafik ndërkombëtar droge, i kërkon Dakos të ndërhyjë për të larguar forcat speciale.

Dosja 339 me provat e krimit elektoral nuk i le asnjë shteg shpëtimi kryebashkiakut?-u shpreh deputetja Pampuri./ CNA.al