web counter
LEXO PA REKLAMA!

SHKARKO APP

App Store
Google Play

Bandat mesazh të fortë Sandër Lleshit

16 Nëntor 2018, 10:51, Aktualitet CNA

Zëvendësministri i Brendshëm Sandër Lleshi ditën e djeshme ka zhvilluar një takim me strukturat në policinë e Elbasanit.

Mësohet se Lleshi ka dhënë porositë e tij për bazën për të luftuar krimin, edhe në qytetin e Elbasanit, që duhet thënë ka qenë një vatër krimi kohëve të fundit.

Por, pa kaluar ende 24 orë nga vizita e Lleshit, një ngjarje e rëndë ka tronditur Elbasanin.

Në orët e para të mëngjesit të sotëm, një shpërthim granate ka ndodhur në një lokal në pronësi të 32-vjeçarit, Albert Alterziu, dhe si pasojë ky i fundit ka marrë plagë të rënda.

Ndërkohë, vetëm tre ditë më parë Sandër Lleshi nisi takimet me strukturat e policisë në qytetin e Shkodrës, ku një ditë më pas ndodhi dhe një vrasje e tipit mafioz. Fatos Ferracaku, u ekzekutua në mes të markatës së peshkut në lagjen Rus.

Nga ana tjetër, një tjetër ngjarje e rëndë tronditi Durrësin, vetëm një ditë pasi Sandër Lleshi mori drejtimin e Minsitrisë së Brendshme.

Në orët e para të mëngjesit të datës 7 nëntor, në lagjen nr 13, të qytetit të Durrësit, dy persona u vranë në një atentat mafioz. Viktimat janë Edison Harizaj 39 vjeç, i cili njihej si anëtar i bandës së Emiljano Shullazit dhe si një ndër personat më të rrezikshëm të Vlorës si dhe shoku i tij i ngushtë, Genci Caci 33 vjeç.

Autorët pas atentatit kanë shkuar në zonën e Shën Vlashit të Durrësit dhe kanë djegur makinën me të cilën kryen vrasjen, e cila ishte e vjedhur, më pas u larguan me një tjetër makinë për të humbur gjurmët.

Mesa duket bandat i kanë shpallur një sfidë të hapur Sandër Lleshit, që në ditët e para të marrjes së detyrës, ndërsa ngjarjet kriminale kanë qënë të njëpasnjëshme./ CNA.al





Lajmet e fundit nga