Lulzim Basha vret veten me heshtjen e tij!

14 Nëntor 2018, 11:18, Aktualitet CNA

Kryetari i PD, Lulzim Basha prej dy ditësh ndodhet përballë sulmeve të socialistëve në lidhje më një biznes, që ka fituar një nga tre lotet e ndërtimit të Unazës së madhe në Tiranë.

Akuza vjen pse heshti Lulzim Basha për subjektin ?Viktoria Invest?, një nga 3 kompanitë fituese, për më tepër ju hodhën edhe akuza.

Por, Lulzim Basha, vazhdon ende të heshtë dhe të mos ketë asnjë sqarim zyrtar, ç?ka ka konfirmuar lidhjet e tij me këtë subjekt që ka qenë një nga kryesorët në Bashkinë e Tiranës, kur ky institucion drejtohej nga Luli. Një përgjigje që e kërkon publiku jo qeveria, një përgjigje që e duan të gjithë. Cilat janë lidhjet dhe pse nuk u denoncua dhe ky subjekt në konferencën për shtyp? Cilat janë lidhjet me kunatin e Lulzim Bashës, apo edhe marrdhëniet, kur Basha drejtonte PD-në në Elbasan?

Një tjetër heshtje që vërtet kërkonte përgjigje është akuza pas arrestimit të pedagogut Dritan Shoraj, i dënuar në Itali si trafikant droge, i cili me porosi specifike të Lulzim Bashës ishte futur në strukturat e PD-së, ishte pjesë e Departamentit Ekonomik, anëtar i kryesisë në degën 5 dhe një nga mbështetësit dhe aktivistët personal të Bashës. Cila ishte lidhja e tij me Lulin dhe pse nuk përjashtohej nga PD, ka sërish vetëm heshtje.

Por këto janë vetëm dy nga heshtjet e fundit të Lulit, i cili kërkon të kalojë pa folur për shumë ngjarje dhe skandale, të cilat në fakt më pas i kthehen kundër dhe kur nuk di ç?të thotë, jep 3 apo 4 versione. Financimi i rusëve dhe fottoja me Presidentin Donald Trump është një fakt. Katër herë ka folur pas skandalit, katër versione ka dhënë Lulzim Basha për financimin.

Ndoshta këshilltarët e tij i thonë mos fol, mos tërhiq vëmendje, kaloji në heshtje, por sërish Lulzim Basha, duhet të gjejë momentin për të dhënë qartësisht qëndrimin e tij, mbi çdo çështje që prek opinionin publik apo ndikon më tej në zgjedhjet brenda PD-së dhe përballë kundërshtarëve.

Lulzim Basha kaloi me heshtje përjashtimin e senatorëve të PD. Hesht dhe nuk jep asnjë argument se pse nga PD u hoq një pjesë e elitës dhe ata u zëvendësuan me një tufë injorantësh dhe të paaftësh që po e bëjnë grupin e PD-së, qesharak dhe të pabesueshëm. Kur nuk është përgjigjur, por kjo ka sjellë edhe pranimin në heshtje dhe një dështim të tij.

Në heshtje kaloi edhe publikimin e një video-skandali erotik në parlament, kur deputeti Ervin Salianji fliste me G.D, që më pas nga mediat u identifikua si Grida Duma. Gjuhë horrash, perversitete, imoralitet që Lulzim Basha i bën fresk me heshtjen e tij, por që konfirmon atë skandal që ja kthen grupin parlamentar nga një çetë të paaftësh, në një grup infantil dhe imoralësh.

Dy ditë më parë përballë gazetarit Denis Dyrnjaja heshti për ata që ai vetë i quan oligarkë, por në fakt janë biznesmenë që qëndrojnë në punën e tyre me çdo qeveri që vjen dhe ikën. Luli tha nuk ka oligarkë në PD, por po të hapësh listë-pagesat aty nuk mungon asnjë prej tyre si financues. Ata që janë në listën e PD, kuptohet kalojnë nga lista e kunatit të Lulit, që është kryetari i lekëve që kontrollon PD-në, nën hije.

Një tjetër heshtje është ajo e Bashës, për Erjon Isufin, kunatin e tij. I akuzuar nga brenda PD dhe jashtë saj. Sot në biznese me miliona dollarrë xhiro, me një kompani ku oligarkët kryejnë shërbime, por Basha heshti edhe për këtë.

Heshti edhe për lejet e pallateve që firmosi për ortakët e vjehrrit të tij, apo ndërtimet e shumta në Tranë.

Hesht çdo ditë për pazarin me Edi Ramën, për atë gjoja marrëveshje që në fakt u duk si shpëtim për një pallat ndërtuar në Vlorë, brenda në det. Heshtja e tij dhe pazaret e pista me Ramën, janë skenari politik i neveritshëm, ku ai është zhytur dhe nuk del , sepse kërkon të rrëmbje hise nga paratë e pushtetit dhe krimit.

Nuk flet asnjëherë për ndarjen dhe coptimin e PD-së, shpartallimin e strukturave të saj.

Hesht për akuzat se ka studiuar i financuar nga Fondacioni Sorros dhe është pjesë e skemës dhe rolit të organizatave që ai drejton.

Luli hesht për të gjitha ato pyetje që kërkojnë përgjigje nga opinioni dhe demokratët. Pyetje që kërkojnë të vërtetat e dhimbshme të Lulzim Bashës. Por në fakt në këto raste Luli me heshtjen e tij i ka pranuar të gjitha, pasi nuk ka çfarë të thotë, thjesht ai hesht, i pranon, sepse edhe në rast se do fliste askush nuk do ta besonte.

Luli tashmë ka vrarë veten politikisht me heshtjen e tij, dhe vështirë se gjen shpëtim!/ CNA.al

Fotot ekskluzive/ Kush është pedagogu i arrestuar, që Basha e bëri drejtues të lartë në PD

Zbulohen oligarkët e Lulzim Bashës?!/ Miliarda lekë në bizneset e kunatit

Kompanitë e familjarëve të Bashës 2 miliardë lekë xhiro, deklarojnë fitime thërrimet/ Evazion fiskal qindra milonë lekë?!

Dokumentet ekskluzive/ Lulzim Basha i dha pallat ortakut të vjehrrit

Dokumentet ekskluzive/ Zbulohet leja e dytë e Bashës për ortakun e vjehrrit

Zbulohet kur u regjistrua video-skandali “Salianji-GD”

Fotot dhe teksti i plotë i bisedës së deputetit/ …vetëm më dërrmove