E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Rikthimi i Tahirit trazon ujërat në PS/ Zbulohet kush e ka radhën pas Xhafajt?

14 Nëntor 2018, 09:26, Aktualitet CNA

Pas një vit heshtje, ku u përball me akuza por edhe sulme të forta, ish-ministri i Brendshëm, Saimir Tahiri ka thyer heshtjen.

Disa ditë më parë, Tahiri paralajmëroi një konferencë për shtyp, ndërsa theksonte se pas një viti heshtje, tashmë ka disa gjëra për të thënë.

Por, çfarë ndodhi në PS?

Mjaftoi vetëm paralajmërimi i Tahirit, dhe një ndër ministrat i cili ishte mbrojtur më shumë nga kryeministri Rama edhe pas shumë e shumë akuzave, Fatmir Xhafaj papritur dhe dorëheqjen nga detyra e ministrit të Brendshëm. Mëngjesin e së shtunës së datës 27 tetor, kryeministri Rama nëpërmjet një postimi në rrjetet sociale njoftoi dorëheqjen e Xhafajt.

Ndërkohë, me datë 1 nëntor, paraardhësi i Xhafajt në ministrinë e Brendshme, Saimir Tahiri në një deklaratë për mediat, përveç faktit që bëri publik vendimin e prokurorisë së Katanias, i cili e shpallte të pafajshëm në lidhje me dosjen ?Habilaj?, foli me tone të ashpra edhe për ata që e sulmuan, qoftë edhe brenda PS.

?Kanë gënjyer aq shumë për mua dhe unë vetëm kam heshtur. Bilbila e kopila u bënë bashkë të më fusnin në burg dhe unë ua bëra qejfin dhe kërkova hetim nga antimafia italiane dhe ata më sollën vendimin e pushimit të hetimit?- tha ndër të tjera Tahiri.

Por, duket se Saimir Tahiri po flet edhe për armiq të tij brenda Partisë Socialiste.

Në qarqet mediatike shpesh herë është folur në lidhje me ish-ministrin Fatmir Xhafaj dhe kryebashkiakun e Tiranës, Erjon Veliaj, si dy njerëzit që rëndom akuzohen se ishin ata që furnizuan Bashën dhe opozitën me materiale kompromentuese kundër Tahirit.

Por, ndërkohë që Fatmir Xhafaj iku, tashmë radhën mund ta ketë Erjon Veliaj, për të cilin vetë Rama mbrëmjen e djeshme e pranoi se nuk e ka të sigurtë rikandidimin për të drejtuar Bashkinë e Tiranës.

I pyetur nga gazetari Artan Hoxha mbrëmjen e djeshme në Report TV, nëse Veliaj do të rikandidojë, Rama tha se ?Ka plot kryebashkiakë të tjerë dhe unë i respektojë të gjithë. I ka vendosur PS-ja dhe jo unë. Nuk vendos as unë as Veliaj, vendos PS-ja do kandidojë a jo, ai. Do e vendosin strukturat e PS-së këtë gjë?./ CNA.al