E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shullazi dhe banda e tij nuk morën dënimin e merituar

13 Nëntor 2018, 17:29, Aktualitet CNA

Partia Demokratike ka reaguar, pasi Gjykata e Krimeve të Rënda dha vendimin për dënimin e Emiljano Shullazit.

Në një deklaratë për mediat PD shkruan se Shullazi dhe banda e tij nuk morën dënimin e merituar, pasi ata u dënuan vetëm për gjobëvënie. Ndërsa për krimet e të tjera të rënda, që janë lënë pa zbuluar, kjo bandë nuk ka marrë asnjë dënim, kjo pasi policia dhe drejtësia kanë mbyllur sytë.

?Nëse Emiljano Shullazi dhe banda e tij, nuk do të kishin mbështetjen e Qeverisë së Edi Ramës, dënimi i bandës do të ishte sot shumë më i rëndë. Ata nuk do të ishin dënuar vetëm për gjobëvënie, por edhe për krime të tjera të rënda, që janë lënë pa zbuluar, pasi policia dhe drejtësia kanë mbyllur sytë.

Kjo bandë është autore e disa vrasjeve, e trafikut të drogës, shkatërrimit të pronës me eksploziv, grabitjes së pasurive të paluajtshme. Në vend të dënimit të merituar, Edi Rama i ka dhënë pushtet edhe në burg Emilano Shullazit për të emëruar deputetë, drejtues të institucioneve vendore e qendrore. Dënimi i bandës së Shullazit është një betejë ende e pa fituar plotësisht?, – shkruhet në këtë deklaratë.

Ndër të tjera Partia Demokratike ka shkruar se prapa hekurave duhet të jenë edhe anëtari me pushtet politik i bandës, deputeti i PS-së, Jurgis Çyrbja.

?Përgjimet e prokurorisë faktojnë se deputeti Jurgis Çyrbja ishte një anëtar aktiv i bandës së Shullazit dhe informonte bandën për hetimet e prokurorisë. Shqiptarët presin sot përgjigje nga prokuroria: kur do të arrestohet dhe të vihet përpara drejtësisë Jurgis Çyrbja, si anëtar i bandës së Emiljano Shullazit??, – thuhet më tej në deklaratë.

Ndërsa në përfundim të kësaj deklarate shkruhet se edhe Edi Rama dhe Saimir Tahiri a do të hetohen dhe të vihen përpara përgjegjësisë për mbështetjen shtetërore që i kanë dhënë bandës së Emiljano Shullazit.

?Drejtësia do të bëhet e plotë! Edi Rama, Saimir Tahiri dhe Jurgis Çyrbja, shumë shpejt do të kenë fatin e Shullazit!?/ CNA.al