web counter
LEXO PA REKLAMA!

SHKARKO APP

App Store
Google Play

E fundit!

x

Basha sërish kundër Berishës/ E thotë copë, pranon “vetëvrasjen”

13 Nëntor 2018, 10:23, Aktualitet CNA

Mbrëmjen e djeshme, kryetari i Partisë Demokratike, Lulzim Basha ka qënë i ftuar në emisionin e Artur Zhejit, ku ka folur në lidhje me aktualitetin politik në Shqipëri.

Por, gjatë kësaj interviste Basha ka dalë sërish kundër ish-kryeministrit Sali Berisha. Ndërkohë që ky i fundit jo pak herë ka bërë thirrje për revolucion dhe revolta popullore, Basha justifikohet me ndërkombëtarët, apo me pretendimin që është një politikan perëndimor.

Por, mbrëmë Basha e tha copë që PD do të hyjë në zgjedhje. Përtej pretendimeve që opozita mund të mos hyjë në zgjedhje dhe përtej asaj që Berisha ka deklaruar se hyrja në zgjedhje me Ramën është vetëvrasje politike, Basha mbrëmë tha krejt të kundërten.

?Qëllimi ynë është që ne të rikthejmë në Shqipëri garën e ideve. Platformën e ideve midis të djathtës dhe së majtës. Kjo kalon me pasjen përballë të një kundërshtari politik të majtë socialist, të zotë, ideologë, profesionistë. Me Partinë Socialiste ne duam një garë të ndershme elektorale dhe ne po punojmë që shqiptarët të shohin një garë të ndershme midis partive.?-tha ndër të tjera kreu i PD, Lulzim Basha.

Por, ka edhe një detaj, përse Basha bojkoton parlamentin, kur nuk ka ndërmend të bëjë asnjë lloj aksioni për rrëzimin e qeverisë?

Përse Basha nuk ngre popullin në protesta, edhe pse në këtë qeveri skandalet kanë qënë të njëpasnjëshme?

Për më tepër, Basha më shumë sesa ndezës i protestave, në disa raste ka rezultuar në zjarrfikës të urrejtjes popullore ndaj Ramës, përmendim këtu rastin e protestave në Kukës.

Ndërkohë edhe në lidhje me protestën e banorëve të zonës së ?Astirit? në Tiranë, mbështetja e Bashës është vetëm fasadë, pasi PD nuk ka prezantuar asnjë nismë ligjore që i mbështet konkretisht ata.

Por, si gjithmonë gjithçka që Basha thotë, është krejt e kundërta me veprimet e tij./CNA.al





Lajmet e fundit nga