E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Loja Rama-Meta/ Çfarë do të ndodhë me Sandër Lleshin

13 Nëntor 2018, 10:11, Aktualitet CNA

Prej disa ditësh vijon përplasja mes kryeministrit Rama dhe presidentit Meta, pasi ky i fundit refuzoi të dekretojë Sandër Lleshin në krye të ministrisë së Brendshme.

Këtë vendim të Metës, Kryeministri e cilësoi si një krisje kushtetuese duke u shprehur se asnjë president më parë nuk kishte ndërmarrë një vendim të tillë dhe sipas tij, ai shkeli Kushtetutën.

Por ky qëndrim i Ramës solli një reagim të ashpër nga ana e presidentit, i cili në një prononcim për mediat pak ditë më parë tha ?Sa i takon anës ligjore padashur të japë leksione për Kushtetutën, por të gjithë amatorëve, diletantëve, do u thoja që të lexojnë Kushtetutën dhe kompetencat e presidentit?.

Për të zgjidhur këtë konflikt ndërmjet tyre, mesa duket është dashur edhe ndikimi i Gramoz Ruçit si Kryetar i Kuvendit.

Tensionet ndërmjet Ramës dhe Metës u zbutën një ditë pasi Presidenti zhvilloi një takim me Kryetarin e Kuvendit, por ndërkohë, edhe ditën e djeshme ka pasur replika në distancë mes kryeministrit Rama dhe presidentit Meta në lidhje me çështjen në fjalë.

Meta publikoi dje 14 pyetje që i ka drejtuar Ministrisë së Mbrojtjes, në lidhje me Sandër Lleshin, ku mes të tjerash veçojmë se presidenti thekson se një ushtarak nuk mund të bëhet ministër. Ndërkohë, menjëherë ka ardhur reagimi i Ramës, i cili i kërkon Metës që t?i heqë gradat Lleshit.

Por, përtej këtyre deklaratave politike, duket se ka të tjera interesa. Mesa duket Meta ka shfrytëzuar këtë rast për të kërkuar pazarin e radhës me kryeministrin. Meta si një ?ujk? i vjetër i politikës kërkon të kapë ç?të mundë dhe me shumë gjasa kërkon që të marrë në dorë frerët e Kontrollit të Lartë të Shtetit si dhe të Bankës së Shqipërisë.

Replikat në distancë mes Ramës dhe Metës, duket të jenë një lojë e radhës, për të fshehur pazaret politike.

Gjithçka pritet ta shohim në ditët në vijim. Vendimi i Metës për dekretimin ose jo të Sandër Lleshit në krye të ministrisë së Brendshme do të tregojë edhe nëse futja ?mik? e Ruçit ka dhënë efekte te Meta apo jo./CNA.al