web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i fortë/ Saimir Tahiri së shpejti zv.Kryeministër

12 Nëntor 2018, 12:14, Aktualitet CNA

Botuesi i gazetës ?Koha Jonë? Nikollë Lesi në një opinion të tijin shkruan se ish-ministrit të Brendshëm Saimir Tahirit, po i përgatitet një rikthim triumfal në Partinë Socialiste, në postin e zëvendëskryeministrit, duke zëvendësuar kështu Senida Mesin, që pritet të kandidojë për kryetare e Bashkisë Shkodër.

Këtë deklaratë Lesi e ka bërë referuar reagimeve të kryeministrit Edi Rama dhe kreut të grupit parlamentar të PS-së, Taulant Balla në studiot televizive, dalë një javë më parë.

?Fillimisht kryeministri, te Sokol Balla, dhe më pas Taulant Balla në TVSH deklarojnë se ?Saimir Tahiri është i pafajshëm? dhe ?nëse ai do, e presim në PS??,- kështu shkruan Lesi.

Më tej ai gazetari është shprehur se një ministër që është aktualisht ministër në kabinetin e Ramës i ka thënë se Tahiri është i frikshëm dhe nuk dihet çfarë videosh ka për to.

?Me sa duket Tahiri paska punuar mirë me video si ministër, pasi të gjithë e paskan frikë në qeveri dhe krejt kupola e PS-së. Një ministër që është sot në kabinetin Rama është shprehur se ?Tahiri është i frikshëm, se nuk e di asnjeri se çfarë materialesh apo videosh ka për ne. Mund të mos ketë asgjë, por frika është e madhe të ne?.

E gjithë kjo fushatë marketingu nga Edi Rama dhe Taulant Balla, ndërkohë që palosën ish-ministrin Fatmir Xhafaj, tregon se rikthimi i ish-ministrit të brendshëm do jetë triumfal në PS. Por jo vetëm në selinë rozë, por surpriza mbetet për publikun se po synohet që ai të emërohet zv/kryeministër në vend të Senida Mesit, zv/kreministres së sotme, pasi ajo do të kandidojë në Shkodër për kryetare bashkie?,- shkruan ndër të tjera Lleshi./ CNA.al





Lajmet e fundit nga